لاہور۔5مارچ (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ اپوزیشن ءَ را یک ءِ دومیگ ءِ سر ءَ دل یکیمی بوتگ، 48 کلاک گوزگ ءَ چہ پد نوں 72 کلاک ءَ چہ بندات بنت بلے اپوزیشن ءِ تحریک عدم اعتماد ءِ اچ اتا پتہ نیست، فضل الرحمان ءُ شہباز شریف ءَ را دیم ءَ چیر دیگ ءِ ناہ نہ رس ایت، ن لیگ ءُ پیپلز پارٹی چار ڈویژن آنی پارٹی جوڑ بوتگ، پیپلز پارٹی حکومت مٹ بوھگ ءِ مت ءُ زرداری فیملی ءَ چہ پارٹی واپس پچ بہ گر ایت، بلاول ءَ چہ جست گرگ لوٹاں کہ آئی ءِ مزن وزیر کئے بہ بیت؟ انوگ ءَ چہ انچو سما بوھگ ءَ انت کہ ھشت کلاک شہباز شریف، ھشت کلاک فضل الرحمان ءُ ھشت کلاک آصف زرداری مزن وزیر بیت، توامیں ھمبراھیں مردم مئے گوما انت۔ بنجاھی وزیر چوہدری فواد حسین ءَ گوشت کہ مزن وزیر عمران خان ءِ سروکی ءَ حکومت برجم انت۔ بلاول بھٹو ءِ لانگ مارچ ءَر ا راولپنڈی ءَ وش اتک کناں، آوانی شست ھپتاد مردم آنی مارچ میچ ءِ ساھت ھم اتک اچ مسلہ نہ انت ما آواناں کیبن ھم دیاں ءُ پی ٹی آئی ءِ فنڈ ءَ چہ چاہ ھم واریناں۔
