فیصل آباد ۔4مارچ (اے پی پی):پاکستان ٹیکسٹائل ایکسپورٹرز ایسوسی ایشن ءِ چیرمین سہیل پاشا ءَ گوشت کہ مزن وزیر عمران خان ءِ جار جتگیں انڈسٹریل پیکیج ءَ چہ صنعتی ءُ معاشی چست ءُ ایر آنی تہ ءَ گیشی بیت، ڈنی سرمایہ کاری گیش بیت ءُ نادراھیں صنعتی یونٹس آنی برجائی بوت کنت وھدیکہ پازیٹیو حکومت گامگیج آنی سبب ءَ ملک ءِ معاشی گروتھ ھم ھمروچ گیش گہتر بوھگ ءَ انت۔ میڈیا ءَ گوں تران کنان ءَ آئی ءَ مزن وزیر ءِ جار جتگیں صنعتی پیکیج آناں وش اتک کناں ایشاناں معاشی دیمروئی ءِ نیمگ ءَ یک ارزشتی ایں گامگیج ءِ نامینت۔ آئی ءَ گوشت کہ اے پیکیج ءَ چہ صنعتی شوبگ ءِ دیمروئی کنگ ءُ استیں جیڈھ آنی گوما گر ءُ چیل بوھگ ءَ کمک رسیت۔ آئی ءَ گوشت کہ معاشی برجا ئی ءِ دار ءُ مدار صنعتی دیمروئی ءَ چہ بوت کنت چیا کہ صنعتی شوبگ ءِ دیمروئی ءَ چہ گیر ملکی سرمایہ کاری گیش بیت ھمودا ملکی برآمدات آنی تہ ءَ پازیٹیو رند پد نکش بنت۔ مزن وزیر ءَ صنعتی پیکیج ءِ چیر دستی ءَ نادراھیں صنعتی یونٹس آنی برجائی ءِ واستہ شور ءُ مشور کتگیں گامگیج آناں ساڑات ءُ آئی ءَ گوشت کہ گوستگیں دھ سال آنی سکیں ساھت آنی سبب ءَ ٹیکسٹائل انڈسٹری ءَ صنعتی یونٹس آنی یک ٹوھیں کساس ءِ دراج بریں ساھتے ءَ چہ چلگ ءَ نہ بوتگ انت ایشی ءِ سبب ءَ پیداواری ازم ءِ رد ءَ ٹیکسٹائل ءِ چیز آنی تیاری بوت نہ کتگ پمے ھاترا انڈسٹریل پیکیج ءِ چیر دستی ءَ اے صنعتی یونٹس آنی چلگ ءِ ٹوھیں امیت ءِ پیداک بوتگ ھمے وڑ ءَ ھرابیں یونٹس انی برجائی ءَ چہ پیداواری کساس ءِ تہ ءَ گیشی بیت ھمودا یک لکھ ءِ نزیک ءَ مزوری ءِ موہ پیداک بنت ءُ برمدی کساس ءِ تہ ءَ گیشی ءَ چہ گیش ڈیڑھ ارب ڈالر ءِ زرامبار در جنگ بوت کنت۔
