اسلام آباد۔4مارچ (اے پی پی): مزن وزیر عمران خان ءَ گوشت کہ حکومت چاگرد ءِ ھمزوریں تبک ءِ مردم آناں وتی گس بھا زورگ ءِ واب ءَ را پیلو کنگ ءَ انت، شہر آنی بے کساس ٹوھ ءُ دار ج بوھگ ءَ را گر ءُ دار کنگ ءِ واستہ برز ءُ بلندیں ماڑی ءِ جوڑ کنگ بیت۔ اے ھیالانی درشانی آئی ءَ آدینگ ءِ روچ ءَ ادا یک مراگشے ءَ گوں گشتانک دیان ءَ کت ، اے مراگش فراش ٹائون اسلام آباد ءِ کم ھرچ ءُ درچ ءَ جوڑ بوھوکیں وتی گس ءِ واب ءُ واھشت آناں پیلو کنگ ءَ انت۔ مزن وزیر ءَ پنت ءُ شون کت کہ وتی گس ءِ الاٹمنٹ ءِ کار ءِ تہ ءَ ساپ ءُ سلہ ءَ را دل یکیمی جوڑ کنگ بیت۔ آئی ءَ گوشت کہ گیش بوھوکیں آباتی ءُ شہر آنی بے کساس دراج ءُ پراھ بوھگ ءَ را گر ءُ دار ءِ واستہ برزیں ماڑی جوڑ کنگ ءِ ماڈل وتی کتگ۔ فراش ٹائون منصوبگ نوکیں پاکستان ہاوسنگ ءُ ڈویلپمنٹ اتھارٹی ءُ سی ڈی اے ءِ شریکداری ءَ گوں سرجم کنگ بوھگ ءَ انت ایش 2000 اپارٹمنٹس انت۔ یک اپارٹمنٹس ءِ کساس 32 لکھ ءَ نیاد گیشینگ بوتگ۔ ایشی ءَ تہ ءَ 3 لکھ کلدار حکومت سبسڈی پجاری کنت ایشی ءِ بدولت ءَ یک یونٹ ءِ کساس 29 لکھ بیت۔ گریب ءُ بزگریں مردم آنی واستہ اسلام آباد ءَ وتی گس بھا زورگ ءِ واب ءُ واھشت پیلو کنگ ءِ واستہ مزن وزیر ء ھاسیں دلگوشی ءَ گوں اے منصوبگ سرجم کنگ بوھگ ءَ انت۔ اپارٹمنٹس ءِ بھا ءُ سیم ءِ واستہ پرائیویٹ بنک ارزانی کست آنی آسراتی دیگ ءَ انت۔ سبسڈی ءِ بدولت ءَ اے اپارٹمنسٹ ءِ ھمک ماہ کست 13000 سینزدھ ہزار کلدار بیت وھدیکہ مارکیٹ ءَ ریٹ 38000 کلدار بیت۔ سر وزیر پنجاب سردار عثمان بزدار ءُ وزیر ءِ مملکت اھوالکاری ءُ شنگ کاری فرخ حبیب ھم مراگش ءَ ساڑی اَت۔
