اسلام آباد۔ 04 مارچ (اے پی پی) اسپیکر قومی اسمبلی اسد قیصر و ڈپٹی اسپیکر قاسم خان سوری ئسک پشاور کوچہ رسالدار نا جامع مسیت اٹی دھماکہ نا مذمت ءِ کرسا داٹی نہادی انسانی جانی نسخان تیا است ہسونی نا درشانی ءِ کرینو۔ جمعہ نا دے آ تینا جتا جتا بیان تیٹی اوفک پاریر کہ کوچہ رسالدار جامع مسیت اٹی مروک آ دھماکہ دہشت گردی نا بدترین ءُ مثال اسے ، دہشت گرد کارروائی تیٹی اوار زموار آک انسانیت و ملک انا دشمن ءُ، اوار زموار آک تینا ناپاک مسخت آتا پوروی کن کودک شاری تے شست کننگ ءُ، عبادت گاہ تے دہشت گردی نا شست کروک آ ک انسانیت نا پن آ دھبہ ءُ، مچ آ قوم ملک آن دہشت گردی نا چٹفنگ کن یکجا ءُ، دہشت گردی ٹی اوار زموار آتون سختی اٹ مون تننگک،۔ اسپیکر و ڈپٹی اسپیکر دھماکہ ٹی شہید مروک آتا خاہوت آتون دلی ہمدردی نا درشانی ءِ کریر و شہید آتا درجہ غاتا بڑزی و ٹھپی مروک آتا زوت دراخ جوڑی کن دعا کریر۔
