قصہ خوانی نا جامع مسجد اٹ دھماکہ، پنچ بندغ شہید، 30 ٹھپی مسنو

پشاور۔ 04 مارچ (اے پی پی) قصہ خوانی پشاور نا علاقہ کوچہ رسالدار نا جامع مسجد اٹ نماز جمعہ نا وخت آ دھماکہ ٹی 5 بندغ شہید مسر۔ ریسکیو حوالی دھماکہ ءِ پک کرسا پارینے کہ داٹی 30 بندغ ٹھپی ہم مسنو۔ ریسکیو حوالی نا پاننگ ءِ کہ دھماکہ ٹی شہید 5 شہید آتا لاش آتے لیڈی ریڈنگ ہسپتال آ اتنگانے وخت اس کہ ٹھپی مروک آتے ہم ہسپتال آ گدریفنگ انگ ءِ۔ ترجمان لیڈی ریڈنگ ہسپتال نا رداٹ دھماکہ ٹی ٹھپی مروک آ 10 بندغ آتا حالیت نازرک ءِ۔ عینی شاہدی تا رداٹ، دھماکہ جمعہ نا نماز اٹی پیش بس۔ ایلو کنڈآ وزیراعلیٰ خیبرپختونخوا نا خصوصی کمکار بیرسٹر سیف انا پاننگ ءِ کہ حوال ءِ کہ دہشت گرد آک اول مسیت اٹ پترینگ انگ نا کوشست کریر ، دہشت گرد آتا پولیس تون اسہ ایلو آ سم کاری مس، اسہ دہشت گرد اس مسیت اٹ پترینگا و کارروائی کرے۔ بیرسٹر سیف پارے کہ ٹھپی مروک آتا کچ 15 آن 20 اسکان پاننگ انگ ءِ۔ دھماکہ غان پد کانود نافذ کروک آ ادارہ غاک واقعہ نا جاگہ غا سرمسر و علاقہ ءِ گھیڑ کرینو۔ پولیس نا پاننگ ءِ کہ واقعہ نا جاست و پاست نا بناءِ کریر و بمب ڈسپوزل سکواڈ ءِ ہم بٹنگ انگانے اوکان پد دھماکہ نا وڑنا بارواٹ پاننگک۔