پشاور ، مسیت اٹی نماز جمعہ  نا وخت آ خود کش دھماکہ، شہید بندغ آتا کچ 30 مس

پشاور۔ 04 مارچ (اے پی پی) پشاور کوچہ رسالدار نا جامع مسیت اٹی نماز جمعہ نا وخت آ خودکش دھماکہ ٹی شہید مروک آبندغ آتا کچ 30 مسنے۔ ترجمان ایل آر ایچ نا رداٹ ہسپتال اٹی 30 بندغ آتا لاش آتے اتنگانے وخت اس کہ پنجاغان زیات بندغ ٹھپی ءُ۔ سی سی پی او اعجاز خان خودکش دھماکہ ءِ پک کرسا پارینے کہ نماز جمعہ نا وخت آ اِرا پولیس کارندہ جامع مسیت نا گیٹ آ سلوک ئسر ، داوخت آ 2 دہشت گرد جلہو گیر مسیت اٹی پترینگ انگ نا کوشست کریر و پولیس نا کارندہ غاتا کنڈآن توننگ آ جلہوگیر آک کارندہ غاتیا سم کاری کریر ہراٹی خودکش جلہو گیر ءِ توننگ نا کوشست کروک آ اسہ پولیس کارندہ اس شہید مس۔ ایس ایس پی آپریشنز ہارون الرشید دھماکہ نا بابت پارے کہ دھماکہ خودکش ئس ہرا جمعہ نا نماز نا وخت آ جامع مسیت انا تہہ ٹی مس، جلہو نا بابت ہچ ءُ الرٹ اس الوکہ، دھماکہ غان پد علاقہءِ گھیڑ کننگانے وخت اس کہ ٹھپی مروک آتے لیڈی ریڈنگ ہسپتال آ گدریفنگ انگ ءِ۔