اسلام آباد۔ 04 مارچ (اے پی پی) چیئرمین سینیٹ محمد صادق سنجرانی و ڈپٹی چیئرمین سینیٹ سینیٹر مرزامحمد آفریدی پشاور قصہ خوانی نا جامع مسیت اٹی دھماکہ نا ترندانگا لوز آتیٹی مذمت ءِ کرینو۔ سینیٹ سیکرٹریٹ نا کنڈآن جاری بیان نا رداٹ چیئرمین سینیٹ پارے کہ ملک دشمن زموار آک تینا ناپاک مسخت آتیٹی سرسہب مننگ کپسہ ، مچ آ قوم دہشت گردی نا برخلاف یکجاءِ، دہشت گرد آک امن …
چیئرمین سینیٹ محمد صادق سنجرانی ، ڈپٹی چیئرمین سینیٹ سینیٹر مرزا محمد آفریدی نا کنڈآن پشاور قصہ خوانی نا جامع مسیت اٹی خود کش دھماکہ نا ترندی اٹ مذمت
اسلام آباد۔ 04 مارچ (اے پی پی) چیئرمین سینیٹ محمد صادق سنجرانی و ڈپٹی چیئرمین سینیٹ سینیٹر مرزامحمد آفریدی پشاور قصہ خوانی نا جامع مسیت اٹی دھماکہ نا ترندانگا لوز آتیٹی مذمت ءِ کرینو۔ سینیٹ سیکرٹریٹ نا کنڈآن جاری بیان نا رداٹ چیئرمین سینیٹ پارے کہ ملک دشمن زموار آک تینا ناپاک مسخت آتیٹی سرسہب مننگ کپسہ ، مچ آ قوم دہشت گردی نا برخلاف یکجاءِ، دہشت گرد آک امن و ایمنی نا حالیت آتے خراب کننگ خوارہ ہراٹی او اسُل سرسہب مفسہ۔ چیئرمین سینیٹ پارے کہ پاکستان نا شونداری آن ملک دشمن واکدار ک خارزدہ ءُ، دہشت گردی نا واقعہ غاک ننا حوصلہ غاتے شیف شاغنگ کپسہ۔ اودھماکہ ٹی شہید مروک آ بندغ آتا خاہوت آتون ہمدردی نا درشانی ءِ کرسا اللہ تعالیٰ آن شہید آتا درجہ غاتا بڑزی و ٹھپی مروک آتا زوت دراخ جوڑی کن دعا کرے۔ محمد صادق سنجرانی ٹھپی مروک آتے ہرممکن طبی آسراتی فراوان کننگ کن تعلقدار ادارہ غاتے پارت جاری کرے۔ ڈپٹی چیئرمین سینیٹ سینیٹرمرزا محمد آفریدی، سینیٹ اٹی قائد ایوان سینیٹر ڈاکٹر شہزاد وسیم و قائد حزب اختلاف سینیٹ سینیٹر سید یوسف رضاگیلانی ئسک ہم پشاور قصہ خوانی نا جامع مسیت اٹی دھماکہ نا ترند انگا لوز آتیٹی مذمت ءِ کرسا شہید آتا درجہ غاتا بڑزی و خاہوت آتون ہمدردی نا درشانی ءِ کریر۔
