پشاور۔ 04 مارچ (اے پی پی) وزیراعلیٰ خیبرپختونخوا محمود خان کوچہ رسالدار مسیت اٹی خود کش دھماکہ نا مذمت ءِ کرسا آئی جی پی آن رپورٹ ءِ بٹنگانے۔ اوریسکیو ادارہ غاتے دمدستی وڑاٹ دھماکہ نا جاگہ غا سرمننگ و ٹھپی تا ہسپتال آ گدریفنگ کن المی کارروائی نا پارت جاری کرینے۔ وزیراعلیٰ ریسکیو ادارہ و انتظامیہ ءِ کمکی کارروائی تے ترند کننگ نا پارینے ، او ہسپتال انتظامیہ ءِ ٹھپی …
وزیراعلیٰ خیبرپختونخوا محمود خان نا کوچہ رسالدار مسیت اٹی خودکش دھماکہ نا مذمت ، آئی جی پی آن واقعہ نا رپورٹ ءِ بٹنگا
پشاور۔ 04 مارچ (اے پی پی) وزیراعلیٰ خیبرپختونخوا محمود خان کوچہ رسالدار مسیت اٹی خود کش دھماکہ نا مذمت ءِ کرسا آئی جی پی آن رپورٹ ءِ بٹنگانے۔ اوریسکیو ادارہ غاتے دمدستی وڑاٹ دھماکہ نا جاگہ غا سرمننگ و ٹھپی تا ہسپتال آ گدریفنگ کن المی کارروائی نا پارت جاری کرینے۔ وزیراعلیٰ ریسکیو ادارہ و انتظامیہ ءِ کمکی کارروائی تے ترند کننگ نا پارینے ، او ہسپتال انتظامیہ ءِ ٹھپی تے گچین طبی امداد نا فراوانی ءِ پک کننگ نا پارت کرینے۔ وزیراعلیٰ صوبائی کابینہ نا باسک بیرسٹر محمد علی سیف و کامران بنگش ءِ دمدستی وڑاٹ ہسپتال آ سرمننگ نا پارت کرسا کمکی کارروائی و ٹھپی تے طبی امداد نا فراوانی نا کاریم تا چاروکی ءِ کننگ نا پرمان جاری کرینے۔ وزیراعلیٰ محمود خان پارے کہ عبادت گاہ ٹی نمازی تے شست کننگ غیر انسانی و ظالمانہ ءُ کاریم اسے دانا اخس کہ مذمت ءِ کننگے کم ءِ ، دا بہیمانہ واقعہ نا ڈوہدار تے اوفتے اوفتا کروک نا سزا تننگک۔
