حلقہ نا شونداری و شونہالی و پسماندگی  ءِ چٹفنگ کن غٹ وسیلہ غاتے کاریم اٹ اتنگ اُن، بنجائی وزیر عمر ایوب خان

ہری پور۔ 04 مارچ (اے پی پی) بنجائی وزیر اقتصادی امور عمرایوب خان پارینے کہ حلقہ نا شونداری و شونہالی و پسماندگی ءِ چٹفنگ کن غٹ وسیلہ غاتے کاریم اٹ اتنگ اُن۔ حلقہ نا الس ءِ آسراتی تا فراوانی کن ارب آ روپئی نا کاریم مننگ ءِ۔ بجلی ناوولٹیج نا کمتی نا ویل انا مون ءِ تورینن، مر مر انگا علاقہ غاتے سوئی گیس نا فراوانی آ کاریم برجاءِ۔ داخیال آتا درشانی ءِ او ہری پور نا یوسی لڈرمنگ حال جدال اٹی کھارن بودرہ پل و روڈ نا بنداو ءِ تخنگ نا وخت آ السی مچی آن تران اٹی کرے۔ دود آن صوبائی اسمبلی نا باسک و مسکوہی صوبائی اکبر ایوب خان، مسکوہی صوبائی وزیر یوسف ایوب آن بیدس ایلو ترانکارآک ہم تران کریر۔ بنجائی وزیر عمر ایوب خان پارے کہ نم تدوک آ گچین کاری تیٹی ننے بھلو گیشتری اسے اٹ سرسہب کرسا ہرا پت ءِ کرینورے نن اوڑآ پورو سلنگ نا پبی کوشست کننگ اُن۔ اوپارے کہ اللہ تعالیٰ ننے آ فضل کرے و وزیراعظم عمران خان خصوصی مہربانی کرسا اِرا وزارت سوئی گیس و توانائی ءِ تس ہرامشکل ءُ وزارت ئسر ولے نن سوئی گیس انا فراوانی و بجلی نا ویل آتے ایسر کرینن۔ مہالو ٹاسفارم اس خراب مسکہ تو مچ آخلق اودے جوڑ کننگ کن چندہ کریکہ ولے ای اقتدار اٹی برسا دادے چٹفینوٹ، ہراڑآن الس ءِ ریلیف ملانے۔ ایم پی اے اکبر ایوب خان پارے کہ ہنداروڈ انا تفنگ آن علاقہ ٹی شونہالی بریک و علاقہ شون ہلیک۔