یک سالے ءِ اندر ءَ پاکستان ءُ ازبکستان ءِ نیام ءَ تجارت ءَ 50 درسد وھدیکہ یکجائی منصوبگ آنی تہ ءَ پنچ  سرئی گیشی بوتگ، مزن وزیر عمران خان  ءِ ازبک صدر  شوکت مرزایوف ءِ گوما گند ءُ نند ءُ ڈلی تک ءَ  سول ءُ تران ءَ چہ پد  یکجائی پریس کانفرنس ءَ گوں گشتانک  

اسلام آباد۔3مارچ  (اے پی پی):پاکستان  ءُ ازبکستان ءَ اقتصادی ، تجارتی ، سائنس، وانگ ءُ زانگ  انفارمیشن  ءُ نیک راھی  سیل ءُ سواد  ءَ ھوار جتا جتائیں  شوبگ آنی تہ ءَ کمک آناں گیش برجم کنگ  ءُ ٹرین   روگ ءُ آیگ  ءِ سر ءَ  تپاک کتگ۔

مزن وزیر عمران  خان ءَ پنچ شمبے ءِ روچ ءَ  مزن وزیر  کارگس ءَ ازبک صدر شوکت مرز ایوف ءِ گوما ون  آن ون گند ءُ نند ءُ  ڈلی تک ءَ سول ءُ تران ءَ چہ  پد  یکجائی پریس کانفرنس  ءَ  گوں گشتانک دیان ءَ ل گوشت کہ ما ازبکستان ءِ گوما   کوھنیں یکوئی ءَ را  برجم کنگ ءَ آں۔ آئی ءَ گوشت کہ گوستیگں یک سالے ءِ اندر ءَ پاکستان ءُ  ازبکستان ءِ نیام ءَ تجارت ءَ 50 درسد وھدیکہ  یکجائی منصوبگ آنی تہ ءَ پنچ درسد گیشی بوتگ۔ 

ایشی ءَ ابید  دوئیں ملک آنی کاروباری مردم آنی نیام ءَ ھم رابطہ گیش بوتگ اَنت۔  مزن وزیر ءَ گوشت کہ ما  ازبکستان ءِ گوما  اوگانستان ءِ   کشک ءَ  رابطہ  گیش کنگ ءِ پیسلہ کتگ۔  ایشی ءَ چہ دوئیں ملک آنی نیام ءَ  سیل ءُ سواد  ءُ  تجارت  ءِ تہ ءَ گیشی بیت۔ مزن وزیر  ءَ گوشت کہ  ٹرین   رابطہ آنی  سر ءَ تپاک بوتگ۔ مزن وزیر ءَ گوشت کہ دوئیں ملک آنی نیام ءَ اوگانستان ءِ کشک ءَ ٹرین  چل ایت ایش سنیامی ایشیائی کشک ءَ گوادر پورٹ  ءَ گوں ملارین ایت۔ عمران خان ءَ  گوشت کہ اوگانستان ءِ کشک ءَ کنکٹویٹی ءِ سیت ناں ایوک ءَ ازبکستان  ءُ پاکستان ءَ را بیت  بلکینگ ءَ گیش سیت اوگانستان ءَ را بیت۔ مزن وزیر ءَ  گوشت کہ  من ازبک صدر ءَ را مقبوضہ کشمیر  ءِ جاور ھال  ءُ پاکستان ءِ  بن گپ  ءِ بابت ءَ سرپد کتگ، ما لوٹاں کہ  یونائیٹڈ نیشن  سلامتی کونسل ءِ منوگری  آنی پد ءُ رند  کنگ ءَ چہ کشمیر الس  آناں   وت واجئی  ھک دیگ  ءُ   آھودا  بھارتی ظلم آناں  گر ءُ دار کنگ بہ بیت۔   مزن وزیر ءَ گوشت کہ  اسلاموفوبیا ءِ ھوالگ ءَ  ازبکستان ءُ پاکستان ءِ  یکیں بن گپ اِنت۔  آئی ءَ گوشت کہ  روبرکتی  ملک دو سروک ھم مئے  بن گپ ءَ را منگ  اتگ۔  روس ءِ صدر ولادی میر پیوٹن ءُ کینڈا ءِ مزن وزیر  جسٹن ٹروڈو  ءَ ھم گوشتگ کہ  نبی کریم ﷺ  ءِ شان ءَ   بے شرپی کنگ  اچ وڑ ءَ درشانی ءِ آجوئی ءِ نام دیگ نہ بیت۔ آئی ءَ گوشت کہ  بنی کریم ﷺ  ءِ واستہ توامیں مسلمانیں ملک آناں یکجائی گامگیج کنگ لوٹ ایت۔ اوگانستان ءِ   جاور ھال  آنی  ھوالگ ءَ مزن وزیر ءَ گوشت کہ پاکستان ءُ ازبکستان ، اوگانستان ءِ   فریز کتگیں مڈی  آمہ برجائی ءِ واستہ یکجائی ءَ کار کنگ لوٹ ایت۔   ازبکستان ءِ صدر شوکت مرزایوف ءَ مہمان نوازی  ءِ پد ءَ  پاکستان ءِ الس ءُ سروک  آنی شگر ءُ منت واری گپت ءُ گوشت کہ پاکستان ءَ  آیگ ءِ  باز ودار بوتگ  بلے  کورونا ءِ سبب ءَ  مھتلی بوتگ۔  آئی ءَ گوشت کہ پاکستان ءِ  گوما اسٹریٹیجک کمک آنی دیمروئی ءِ واستہ کار کنگ ءَ آں۔ آئی ءَ گوشت کہ مزنوزیر عمران خان ءِ گوما دو نیمگی یکوئی، دمگی  ءُ میاں اوستمانی  کار آنی سر ءَ   جوانیں  گپ ءُ تران بوتگ۔  آئی ءَ گوشت کہ پاکستان ءِ سیاسی ءُ دود ءُ ربیدگی  دیمروئی ءَ را  شرپ ءُ  نگاہ ءَ چاراں۔ آئی ءَ گوشت کہ  مزن وزیر عمران خان ءِ پروگرام ” نوکیں پاکستان”  ءُ ازبکستان  ءِ  نوکیں ازبک پروگرام ءَ   گوں ٹوھیں  ھمگونگی  ءِ است انت۔  دوئیں ملک آنی  دود ءُ ربیدگ ءِ شوبگ ءِ برجائی ءِ واستہ  یکجائی ءَ کار کنگ ءِ سر ءَ ھم تپاک کتگ۔  آئی ءَ گوشت کہ پاکستان ءُ ازبکستان  ءِ نیام ءَ اقتصادی  ءُ تجاری  یکوئی  گوں ترندی ءَ  دیمروئی کنگ ءَ انت وھدیہ اے شوبگ آنی تہ ءَ یکوئی آناں گیش دیمروئی دیگ ءُ برجم کنگ ءِ  ازم است انت۔   اول سرئی رد ءَ منوگری دوئیں ملک آنی  نیام ءَ یکوئی آناں گیش مھکم جوڑ کنگ ءِ موہ پجاری  کناں۔ شوکت مرزایوف  ءَگوشت کہ نیامی ایشیا ءَ گوں مزار شریف، کافبل ءُ پشاور  ریلوے ءِ  جوڑیشت  ءِ  پد ءَ آیوکیں  باندات ءَ کار بندات بیت۔   اے منصوبگ  ءَ چہ نیامی ایشیا  گوادر  پورٹ  ءَ گوں بندوک  بیت۔  ازبک صدر  ءَ گوشت  کہ مزن وزیر  ءِ گوما گند ءُ نند ءَ دمگی سلامتی ءِ جیڈھ آنی سر ءَ باست ءُ واست  کنگ بوت۔  ازبک صدر ءَ اوگانستان  ءِ  ھرابیں جاور ھال  آنی سر ءَ  نہ وشی ءِ درشان کنان ءَ میاں اوستمانی برات آں چہ لوٹ کت کہ  بنی آدم دوستی ءِ بنیات ءَ فریز کتگیں  مڈی  آناں  برجا کنگ  ءُ اوگانستان ءَ را بنی آدم آنی گوما یکوئی ءِ بنیات ءَ کمک پجاری کنگ لوٹ ایت۔  شوکت مرزایوف ءَ گوشت کہ دوئیں ملک آنی سائنس، وانگ ءُ زانگ،  نیک راھی  سیل ءُ سواد،  سینما، انفارمیشن  ءَ ھوار  جتا جتائیں شوبگ   آنی تہ ءَ یکوئی آناں گیش برجم کنگ ءِ سر ءَ تپاک کتگ۔  ایشی ءَ  پد مرچیما 10  ارزشتی ایں  منوگری آنی سر ءَ دست چنگل  جتگ  ایش دوئیں ملک آنی دیمروئی ءِ    سبب جوڑ بنت۔ ازبک صدر ءَ گوشت کہ ٹرانزٹ جیڈھ آناں گیوار کنگ ءِ واستہ  منوگری کنگ بوتگ۔