پاکستان  ءُ  ازبکستان ءِ نیام ءَ ھشت  وت مہ وتی تپاکی  منگ نامہ آنی سر ءَ دست چنگل، مزن وزیر عمران خان  ءُ ازبکستان ءِ صدر شوکت مرزایوف ھم  اے موہ ءَ ساڑی ات، یکجائی جار

اسلام آباد۔3مارچ  (اے پی پی):پاکستان  ءُ ازبکستان ءِ نیام ءَ ریلوے، سیکورٹی،  اول سرئی تجارتی منوگری،  موسمی مٹ ءُ بدلی ءَ ھوار  8 وت مہ وتی منگ نامہ آنی سر ءَ  دست چنگل جنگ بوت۔ پنچ شمبے ءِ روچ ءَ مزن  وزیر عمران خان ءُ ازبکستان ءِ در شوکت مرزایوف ھم  منگ نامہ آنی سر ءَ دست چنگل  آنی موہ ءَ  ساڑی اتنت۔  پاکستان ءُ ازبکستان  ایم اویوز ءِ  ھوالگ ءَ جاڑی کتگیں یکجائی جار ءِ رد ءَ ازبکستان ءِ راجی ٹیلی ویژن ءُ ریڈیو کمپنی  ءُ پاکستان  ٹیلی ویژن کارپوریشن ءِ نیام ءَ ٹیلی  ویژن  ریڈیو براڈ کاسٹنگ  ءِ شوبگ ءَ  وت مہ وتی کمک ءِ واستہ  تپاکی آنی تہ ءَ پاکستان  ءِ نیمگ ءَ وزیر  ءِ اھوالکاری  ءُ شنگ کاری چوہدری فواد حسین وھدیکہ ازبکستان ءِ وزیر ءِ دود ءُ ربیدگ ءُ  اوزودبیک نیزا بیکوف ءَ  دست چنگل جت۔ ازبکستان ءِ وزارت ءِ سیل ءُ سواد  ءُ سپورٹس ءُپاکستان ءِ وزارت ءِ نیک راھی کار  ءُ   نیک راھ آنی  وت مہ وتی  نزیکی ءِ نیام ءَ  نیک راھی  زیات جاہ آنی سیل ءُ سواد ءِ دیمروئی ءِ واستہ وت مہ وتی   منگ نامہ آنی سر ءَ دست چنگل  جنگ بوت۔ پاکستان  ءِ نیمگ ءَ  بنجاھی وزیر نیک راھی کار   نور الحق قادری وھدیکہ ازبکستان ءِ  وزیر  برائے  درئی کار   عبدالعزیز کامیلوف  ءَ دست چنگل جت۔  دوئیں ملک آنی نیام ءَ ایٹماسپیئر ءُ   موسمی مٹ ءُ بدلی ءِ شوبگ ءَ  کمک  آنی سر ءَ  یاتگیری منگ نامہ آنی  سر ءَ پاکستان  ءِ نیمگ ءَ مزن وزیر  ءِ ھاسیں کمکار برائے  موسمی مٹ ءُ بدلی ملک امین اسلم ءُ ازبکستان ءِ نائب  مزن وزیر  ءُ وزیر  برائے سرمایہ کاری  ءُ گیر ملکی تجارت  سردار عمر زاکوف ءَ  دست چنگل جت۔ دوئیں ملک آنی نیام ءَ   تجاری منوگر آنی سر ءَ  مشیر تجارت عبدالرزاق داؤد  ءَ  پاکستان ءِ وھدیکہ سردار عمر زاکوف ءَ دست چنگل جت۔  دوئیں ملک آنی نیام ءَ    سیکورٹی ءِ شوبگ ءَ کمک آناں گیش دیمروئی دیگ ءِ واستہ روڈ میپ  ءِ سر ءَ ھم دست چنگل جنگ بوت۔ پاکستان ءِ نیمگ ءَ راجی سلامتی  مشیر  ڈاکٹر معید یوسف وھدیکہ ازبکستان ءِ سیکرٹری برائے سلامتی کونسل  ویکٹر  مخمودوف  ءَ دست چنگل جت۔ دوئیں ملک آنی نیام ءَ وزارت ءِ ریلوے ءُ ازبکستان  ءِ  وزارت ءِ  ٹرانسپورٹ ءِ نیام ءَ   ھم وت مہ وتی  تپاکی  ءِ سر ءَ  دست چنگل  جنگ بوت۔  پاکستان  ءِ نیمگ ءَ سیرٹری ءُ چیئرمین پاکستان ریلویز  حبیب الرحمن گیلانی وھدیکہ ازبکستان  ءِ نیمگ ءَ وزیر  ٹرانسپورٹ الخوم   مخکاموف  ءَ دست چنگل جت۔    تاشقند سٹی  ءُ  اسلام آباد سٹی  ءِ انتظامیہ ءِ نیام ءَ  وت مہ وتی  منگ نامہ آنی  سر ءَ  ھم دست چنگل جنگ بوت۔ پاکستان ءِ نیمگ ءَ  ایڈمنسٹریٹر ایم سی آئی حمزہ شفقات وھدیکہ پاکستان    ءَ   ازبکستان ءِ سفیر اوبک عثمانوف ءَ ھم دست چنگل جت۔ ایشی ءَ ابید دوئیں ملک آنی نیام ءَ ازبکستان ءِ دمگ سرخندریہ ءُ   پاکستان ءِ صوبہ خیبر پختونخوا ءِ  نیام ءَ  وت مہ وتی تپاکی ءِ سر ءَ  دست چنگل  جنگ بوت۔  پاکستان ءِ نیمگ ءَ چہ  خیبر پختونخوا  ءِ سیکرٹری صنعت ذوالفقار علی شاہ  وھدیکہ  ازبکستان ءِ نیمگ ءَ چہ پاکستان  ءَ ازبک سفیر  اوبک   عثمانوف  ءَ دست چنگل جت۔