ازبک صدر شوکت مرزایوف ءِ آیگ ءِ پد ءَ مزن  وزیر  گس ءَ  جوانیں  مراگش

اسلام آباد۔3مارچ  (اے پی پی):ازبکستان  ءِ صدر  شوکت مرزایوف ءِ پنچ شمبے ءِ  روچ ءَ  پاکستان ءِ آیگ ءِ پد  ءَ  جوانیں مراگش ءِ برجم دارگ بوت۔ مزن وزیر عمران  خان ءَ مزن وزیر  کارگس  ءَ آیگ ءِ پد ءَ  شرپ مندیں  مہمان آناں وش اتک کت۔ اے موہ ءِ سر ءَ  دوئیں ملک آنی راجی  سوت الہان کنگ بوت۔ ازبک صدر ءِ شرپ ءَ  گارڈ آف آنر پیش کنگ بوت وھدیکہ  ازبک صدر  ءَ گارڈ آف آنر ءِ چار ءُ تپاسی کت۔  ایشی ءَ پد مزن وزیر عمران  خان ءَ شرپ مندیں مہمان   ءَ گوں بنجاھی کابینہ ءِ باسک   آنی ساڑا کنائینت وھدیکہ ازبک صدر شوکت مرزایوف ءَ مزن وزیر ءَ  را  آئی ءِ  ھمبراھیں ڈل ءَ  گوں  توسیپ کنائینت،   ازبک صدر ءَ  مزن وزیر  کارگس ءَ   یک  نہال ءِ دات۔ اولی روچاں دوئین آنی نیام َ  ون آن ون گند ءُ  نند  بیت ایشی ءَ پد  ڈلی تک ءَ  سرجمیں  گپ  ءُ تران کنگ بیت، دوئیں سروک آنی نیام ءَ  دو نیمگی یکوئی ، دمگی ءُ میاں اوستمانی  کار آنی سر ءَ  باست ءُ واستہ  کنگ بیت۔  دوئیں ملک آنی نیام ءَ   10 وت مہ وتی  یاتگیر  آنی سر ءَ  دست چنگل جنگ بیت۔ ازبک صدر ءِ  پاکستان ءِ دو روچی  تر ءُ تاب  سک باز ارزشتی اینت، پاکستان نیامی ایشیائی ریاستی آنی گوما وت مہ وتی یکوئی آناں  شاھیگان کنگ لوٹ ایت۔  شوکت مرزا ایوف ءِ انوگیں تر ءُتاب ھمیشی ءِ   بھر اِنت۔  ایشی ءَ  چہ پیسر ازبکستان ءِ صدر شوکت رزایوف  دو روچی تر ءُ تاب ءَ پاکستان  ءَ پج ات  گڈا مزن وزیر  عمران خان ءَ ائیر پورٹ  ءَ پجگ ءِ پد ءَ شرپ مندیں  مہمان آناں  وش اتک کت۔  اے موہ ءِ سر ءَ بنجاھی وزیر  برائے سائنس ءُ ٹیکنالوجی سینیٹر شبلی فراز  ءُ ایندگر  ٹوھیں  ٹوھیں کارندہ ساڑی اتنت۔  ازبک صدر  ءَ را  زھگ آں پُل آنی ساچی دات  ءُ   ایشاناں ٹوپ جت ءُ سلامی دات۔  ازبکستان  ءِ صدر    پاکستان ءِ تر ءُتاب ءِ ساھت ءَ صدر مملکت ڈاکٹر عارف  علوی ءُ مزن وزیر عمران خان  ءَ گوں گند ءُ نند کنت۔  پاکستان ءُ ازبکستان  ءِ نیام ءَ تاریخی یکوئی  جاڑی انت۔