ریاست مدینہ پوسکن آ اسلامی آسودہی مملکت نا تصور  واسلامی تاریخ نا اساس و بنداو ءِ، بنجائی وزیر امور پیر نورالحق قادری

اسلام آباد۔ 03 مارچ (اے پی پی) بنجائی وزیر مذہبی امور پیر نور الحق قادری پارینے کہ ریاست مدینہ پوسکن آ اسلامی آسودہی مملکت نا تصور و اسلامی تاریخ نا اساس و بنداو ءِ، ریاست مدینہ اسہ نن اٹی جوڑ مروک اُس اف ولے احساس پروگرام نا رداٹ بے پرخ رنگ و نسل زرآتا فراوانی، قومی جان جوڑی کارڈ، لنگرخانہ و یخ انگا نن تیٹی بے سیبو مخلوق کن پناہ گاہ تا جوڑ کننگ ریاست مدینہ نا کنڈآ اہم ءُ گام اسے۔ پنچ شنبے نادے آ داڑے قومی رحمت اللعالمین صلی اللہ علیہ و آلہ وسلم اتھارٹی پورو فعال مننگ نا دود آن تران کرسا اووزیراعظم عمران خان ءِ مبارکبادی ترسا پارے کہ ہراکاریم پاکستان نا جوڑ مننگ  نا اولیکو دے آ مروسس اونا بنداو ءِ وزیراعظم عمران خان تخانے، انسان نا کاریم بنداو تخنگ  مریک اوٹی برکت شاغنگ اللہ رب العزت نا کاریم ءِ، وزیراعظم حقیقت اٹ آسودہ، نجات و سرسہبی تا راز اس دوئی کرینے انتئے کہ خواجہ صلی اللہ علیہ و آلہ وسلم نا چھوکٹ آ ہراتم اسکان کس اس ہنپک سرسہبی ملیپک و خواجہ صلی اللہ  و علیہ و آلہ وسلم نا چھوکٹ آ ہموکاہک ہرادے ہِننگ نا خوش بختی ملک۔ اوعلامہ اقبال نا شئیر انا حوالہ ءِ ترسا پارے کہ اگہ روشنائی اس ملک تو خواجہ صلی اللہ علیہ و آلہ وسلم نا کسر آ چلینگسا ملک، اوبنجائی وزیر تعلیم شفقت محمود ءِ خراج تحسین پیش کرسا پارے کہ قومی رحمت اللعالمین صلی اللہ علیہ و آلہ وسلم اتھارٹی نا جوڑ کننگ نا بابت او بھاز سنجیدہ کوشست کرینے ہراستاکڑزنگ نا قابل ءُ۔