ق لیگ و ایلو سیوتیک حکومت تون تفوک ءُ، اپوزیشن نا  بے پتی نا تحریک بے سہب مریک، مخدوم شاہ محمود قریشی نا پریس کانفرنس

میر پور خاص۔ 03 مارچ (اے پی پی) پاکستان تحریک انصاف نا وائس چیئرمین و وزیر خارجہ مخدوم شاہ محمود قریشی پارینے کہ ق لیگ تون اوار ایلو سیوتیک حکومت تون تفوک ءُ، اپوزیشن نا بے پتی نا تحریک بے سہب مریک، مسلم لیگ ق وزیراعظم عمران خان تون تینا قول ءِ پورو کننگ نا پڑو کرینے تحریک انصاف اٹی ہچ ءُ ٹولی اس اف، پی ٹی آئی نا اسہ ہی ٹولی اسے ہرانا پن عمران خان ءِ، نن گمر کینہ ننا ایم این ایک  تینا موقف آ و عمران خان تون سلوک ءُ، زرداری نا سیاست ایم این اے تا ہلنگ ءِ، ولے ننا ایم این ایک سودائی ءُ مال اس افس داباوقار ءُ مخلو ق اسے ءُ۔ داخیال آتا درشانی ءِوزیر خارجہ شاہ محمود قریشی میر پور خاص اٹی پریس کانفرنس اٹی کرے، داوخت آ اپوزیشن لیڈر سندھ اسمبلی حلیم عادل شیخ، مخدوم زین حسین قریشی، لال ہلہی آفتاب قریشی، راجہ عبدالحق و ایلو راہشونک ہم اوڑتون اوارئسر۔ شاہ محمود قریشی پارے کہ سندھ حق مارچ سرکاری مشنری آن بیدس الس نا طاقت اٹ چلینگ انگ ءِ وخت اس کہ پیپلزپارٹی نا مارچ پورو وڑاٹ سندھ انا سرکاری مشینری اتون ہِننگ ءِ ، الس خناکہ سندھ انا الس ننتون سلوک ءِ۔ کنے افسوزمس کہ کنڈیاری ٹی پی پی کنا قافلہ ءِ توننگ نا کوشست کرے، جھیڑہ کرفنگ نا کوشست کننگا، بے نظیر تون ای کاریم کرینٹ، اونا دُن ءُ سوچ اس الوکہ، اگہ شازیہ مری نا پارت آ مسنے تو جوان اف، بلاول ملتان آہِننگ ءِ ننا کنڈآن اونا کسر اٹ ہچ ءُ اڑاند اس مفک، تحریک انصاف نا کارندہ غاک پرامن و تہذیب والا ءُ، سندھ حق مارچ انا مسخت سندھ اٹی گیگ بدل سوچ و سرکڑدہ ئی اس فراوان کننگ ءِ۔ اوپارے کہ بلاول اگہ مناظرہ نا چیلنج ءِ امنا کرینے تو برے نن تیار اُن، عمران خان اوفتے کن تنیا گنج اسے، ہر سوج انا مہذبانہ  و دلیل آتون ورندی ءِ ایتنہ، بلاول کنتون رابطہ کے نن انتظار کینہ، پارلیمنٹ ءِ وزیراعظم آ پورو پت ءِ، اپوزیشن اسٹیٹ بینک نا پوسکن آ بل آ داخہ زور خلسا آزموندہ کرے ، خالد مقبول صدیقی ننا ایلم و سیوتی ءِ، وزیراعظم السی ریلیف نا پیکج تسنے۔ وزیرخارجہ مخدوم شاہ محمود قریشی پارے کہ کنا یورپی یونین نا وائس پریذیڈنٹ تون فون آ ہیت مسنے، یوکرین نا حالیت آتیا نن گپ وتران مس ای پاکستان نا موقف ءِ اوفتا مون آ تخاٹ نن ہڑتوم آک داہیت آ امنا کرین کہ مون آ ہِننگ نا کسر گپ وتران و سفارتکاری ءِ۔ نن اولیکو دے آن پارین جنگ ویل آتا ایسر اف، نن 80 ہزار آن زیات جان تے ندر کرینن، یوکرین نا جنگ ودا تو یورپ نا زرگزران آ منفی زہم تمک پاکستان امن کن تینا کڑد ءِ ادا کننگ کن تیار ءِ، رومانیہ نا وزیر خارجہ تون ہم کنا ہیت مسنے، تینا طالب علم آتا حفاظت اٹ کشنگ آ گپ وتران مسنے، بھارتی طالب علم آتے ہم پاکستان سفارت خانہ اِرغ تس و اوفتا کمک ءِ کرے۔