اسلام آباد۔ 03 مارچ (اے پی پی) بنجائی وزیر ہاؤسنگ اینڈ ورکس چوہدری طارق بشیر چیمہ پارینے کہ ہیبدار ڈٹ بندی نا سوب آن تعمیراتی ڈٹ آتیٹی تاخیر آن سرکاری خزانہ ءِ ارب آ روپئی نا نسخان مریک، نیو اسلام آباد انٹرنیشنل ایئرپورٹ نا خڑک ڈغار ہلنگ نا بابت ہچ ءُ اسکیم اس اف۔ کشمیر ایونیو اپارٹمنٹس ڈٹ انا ری ٹینڈرنگ نا درخواست کرینن، کوٹہ نا بابت ہچ ءُ ویل اس اف ولے عملدرآمد نا ویل مریک کہ ہراپلاٹ ہرادے ملے۔ داہیت آتے او پنچ شنبے نادے آ بڑزکو ایوان نا قائمہ کمیٹی ہاؤسنگ اینڈ ورکس نا دیوان اٹی پارے۔ دیوان چیئرمین کمیٹی سینیٹر حاجی ہدایت اللہ خان نا کماشی ٹی پارلیمنٹ ہاؤس ٹی اڈ ہلک۔ قائمہ کمیٹی نا دیوان اٹی وزارت ہاؤسنگ اینڈ ورکس آن فیڈرل گورنمنٹ ایمپلائز ہاؤسنگ اتھارٹی کن پوسکن آ سلاہ کروک الاٹمنٹ و کوٹہ پالیسی، کشمیر ایونیو اپارٹمنٹس نا تفنگ نا ساڑی آ حالیت آتیا سرجم حوال آن پد فیڈرل گورنمنٹ ایمپلائز ہاؤسنگ اتھارٹی و پاکستان ہاؤسنگ اتھارٹی نا کنڈآن نیو اسلام آباد انٹرنیشنل ایئرپورٹ نا خڑک پوسکن ءُ ہاؤسنگ سوسائٹی اس جوڑ کننگ یا دا بابت ڈغار ہلنگ نا باندات آتا سرجمی اٹ جاچ ءِ ہلنگا۔ قائمہ کمیٹی نا دیوان اٹی سینیٹر ز سیف اللہ سرور خان نیازی، کامل علی آغا، خالدہ عطیب، بہرہ مند خان تنگی،فدا محمد، مولانا عبدالغفور حیدری آن بیدس بنجائی وزیر ہاؤسنگ اینڈ ورکس چوہدری طارق بشیر چیمہ ، جوائنٹ سیکرٹریٹ اسٹیٹ و ایلو تعلقدار بڑزکو کمامدارآک بشخ ہلکر۔
