پاکستان نا امریکہ کن برآمد آتیٹی برجامالی سال اٹی 44 درسد آن زیات ودکی مسنے، اسٹیٹ بینک آف پاکستان

اسلام آباد۔ 03 مارچ (اے پی پی) امریکہ ءِ کروک آ قومی برآمد آتیٹی برجامالی سال اٹی 44 درسد آن زیات ودکی مسنے۔ اسٹیٹ بینک آف پاکستان (ایس بی پی) نا حساب وکتاب نا رداٹ اینخو مالی سال انا بنائی 7 تُو اٹی جولائی آن جنوری 2021-22اٹی امریکہ ءِ 3862.642ملین ڈالر مالیت نا برآمدات کننگانے وخت اس کہ تدوک آ مالی سال انا ہندا وخت اٹی جولائی آن جنوری 2020-21اٹی امریکہ ءِ کروک آ قومی برآمد آتیان 2677.208ملین ڈالر زرمبادلہ کٹیا کننگاسس۔ ہنداوڑ تدوک آ مالی سال انا مقابلہ ٹی اینخو مالی سال انا بنائی 7 تُو اٹی امریکہ ءِ کروک آ قومی برآمد آتا کچ اٹی 1185.434ملین ڈالر یعنی 44.27درسد نا نمان ودکی ریکارڈ کننگانے۔ ایس بی پی نا رداٹ تدوک آ مالی سال انا مقابلہ ٹی برجامالی سال انا اولیکو 7 تُو اٹی جم قومی برآمد آتیٹی 27.36 درسد ودکی مسنے و برآمد آتا کچ 13.914 ارب ڈالر نا مقابلہ ٹی 17.722 ارب ڈالر اسکان سرمسنے۔