اسلام آباد۔2مارچ (اے پی پی):بھارت وتی جاسوس کلبھوشن یادیو ءِ واستہ پاکستان ء، نیمگ ءَ پجاری کنتگیں کانودی کمک ءَ چہ سیت چست کنگ ءَ ناکام بوتگ، بھارتی جاسوس ءُ “را” ءِ ناشرکار کلبھوشن یادیو ءِ شش سال ءَ چہ پیسر بلوچستان ءَ پاکستانی سرزمین ءَ ناشرکاری چست ءُ ایر کنگ ءِ بھتام ءَ دزگیر کنگ بوتگ۔ میاں اوستمانی آمید گس (آئی سی جے) ءِ پنت ءُ شون ءِ رد ءَ ڈلگچاری دزبندی جم کنگ ءَ چہ بھارت ءِ یک شلیءَ مھتلی دارگ ءَ چہ ساپ ءُ سہرا بوھگ ءَ انت۔ وھد ءِ بھارت ءِ حاضر سروس کمانڈر ءَ را 3 مار 2016 ءَ بلوچستان ءَ دزگیر کنگ بوتگ۔ کمانڈر یادیو ءِ جیڈھ ءَ پاکستان ءِ پارلیمنٹ ءَ آئی سی جے ءِ ری ویو ءُ ڈالچاری ایکٹ 2020 نام ءَ کانود جوڑیشت کتگ بوتگ ایشی ءِ تہ ءَ آئی سی جے ءِ پیسلہ ءِ ھوالگ ءَ ری ویو ءُ ڈلچاری ءِ ھک پجاری کنگ بوتگ۔ درئی کارانی کارگس ءِ رد ءَ بل ءِ منظوری ءَ اے گپ ءَ را سہرا کتگ کہ پاکستان آئی سی جے ءِ پیسلہ ءِ ھوالگ ءَ وتی زمہ واری آناں پیلو کنگ ءَ انت۔ ھمے وڑ کہ پاکستان ءَ دمپہ ساھت بھارت ءَ را آئی سی جے ءِ پیسلہ ءِ 118 ٹک ءِ چیر دستی ءَ کلبھوشن یادیو ءِ کانودی سروکی ءِ انتظامی ءِ واستہ وتی زمہ واری ءِ یات گیتکگ، بھارت ءِ نیمگ ءَ پسو اے گپ آنی سہرائیں درور اَنت بھارت پاکستانءِ ھلاپ ءَ وتی ناشرکاری چست ءُ ایر آنی دست مانجن نہ بوھگ ءِ درور ءَ دات نہ کنگ ءَ انت۔ پمشکہ سر جنگ ءَ انت۔ کلبھوشن 5 اپریل 1969 ءَ بھارت ریاست مہاراشٹر ءِ شہر سانگلی ءَ پیداک بوتگ آئی ءَ 1987 ءَ انڈین نیشنل ڈیفنس اکیڈمی ءَ بھر زوری کتگ ءُ 1991 ءَ انڈین نیوری ءِ انجینئرنگ برانچ ءَ کمیشن در جتگ۔ ل کلبھوشن یادیو ءَ 2013 ءَ بھارتی چیریں ایجنسی ریسرچ اینڈ اینالائسز ونگ (را) ءَ بھرتی کتگ ایش کراچی ءُ بلوچستان ءَ جتا جتائیں ناشرکاری کاروائی کتگ۔ را ءَ وتی راستیں پجار ءِ چیر دیگ ءِ واتہ ایشی ءِ نام حسین مبارک پٹیل ایر کتگ آئی ءِ کار بوتگ کہ بلوچ باگی آنی گوما گند ءُ نند بہ کنت ءُ ناشرکاری آس ءَ بہ دم این ایت۔ ءُ آواناں کمک بہ کنت۔ تپشش ءِ ساھت ءَ سہرا بوتگ کہ آ وڈھ ءَ حاجی بلوچ ءِ گوما رابطہ ءَ بوتگ، آ کراچی ءَ بلوچ آجوئی دسوت ءُ اسلامک اسٹیٹ نیٹ ورک ءَرا مالی ءُ لاجسٹک سپورٹ پجاری کتگ۔ آئی ءَ اے ھم من اتگ کہ آ صفورا بس ارش ءِ ماسٹر مائینڈ ھم حاجی بلوچ ءَ گوں رابطہ ءَ بوتگ۔ ایشی ءِ اندر ءَ 45 اسماعیلی مسافر آناں تر گواری کنگ ءُ کشگ بوتگ اَت۔ 10 اپریل 2017 ءَ ایشرا فیص جنرل کورٹ مارشل ءَ مرگ ءِ سزا داتگ۔ جوالائی 2019 ءَ بھارت ءِ نیمگ ءَ جم کتگ یک دزبندی ءَ چہ پد میاں اوستمانی آمید گس ءَ پاکستان ءَ را یادیو ءَ را بھارتی کارندہ آں تاں سرجم ءُ ابید مھتلی ءَ قونصلر رسائی ءِ اجازت دیگ ءِ حکم دات۔ پدا ھم ایشی ءِ سزا ھلاس کنگ ءِ بھارتی دزبندی رد کنگ بوتگ۔ وتی دزگیری ءِ شش سال ءَ چہ پد کلبھوشن یادیو پاکستان ءِ ھلاپ ءَ بھارتی ناشرکاری ءُ ریاستی ناشرکاری ءِ سہرائیں درور اِت۔
