الس ءِ جان  ءُ مال  ءِ رکھینگ  مئے اولی ترجی اِنت، ملک ءَ یونیورسل ایمرجنسی ہیلپ لائن  مشکل آنی تہ ءَ پس اتگ اَنت  ایمرجنسی کمک ءِ  ادارگ بیت اِنت،  مزن وزیر  عمران خان ءِ سروکی ءَ  پاکستان ایمرجنیس  ہیلپ لائن  911  ءِ چار  ءُ تپاسی دیوان  

اسلام آباد۔2مارچ  (اے پی پی): مزن وزیر عمران خان ءَ گوشت کہ الس ءِ جان ءُ مال ءِ رکھینگ مئے اولی  ترجی  اِنت، ملک ءَ یونیورسل ایمرجنسی ہیلپ لائن مشکل آنی تہ  پستگیں الس ءِ واستہ  ایمرجنسی رد ءَ کمک  ءِ ارزشتی ایں ادارگ اِنت۔ چار شمبے ءَ   مزن وزیر عمران خان ءِ سروکی  ءَ    پاکستان  ایمرجنی  ہیلپ لائن   (پی ای ایچ ای ایل )911  ءِ چار ءُ تپاسی دیوان ءِ بوت۔  دیوان ءَ مزن وزیر  ءِ ھاسیں کمکار برائے سیاسی کار ڈاکٹر شہباز گل ، چیئرمین نیشنل ٹیلی کمیونیکیشن  کارپوریشن   انجینئر معراج گل، نیشنل انفارمیشن  ٹیکنالوجی بورڈ ءِ ایگزیکٹو ڈائریکٹر سید حسنین عباسی کاظمی ءُ ایندگر سیادی داروکیں  کلانہ ایں کارندہ آں بھر زوری کت وھدیکہ پنجاپ، سندھ ، خیبر  پختونخوا، بلوچستان، گلگت بلتستا ءُ  آزات کشمیر ءِ چیف سیکرٹریز  ویڈیو لنک ءِ وسیلگ ءَ  بھر زوری کت۔   مزن وزیر  ءَ توامیں سیادی داروکیں  کارندہ آناں پنت ءُ شون کت کہ آ رمضان المبارک ءِ  شرپ مندیں  ماہ ءَ اے سروس ءِ  گواچنی  بنگیج ءَ چہ  ایشی ءَ  پیسر  ہیلپ لائن  ءِ آزمائشی ءُ سافٹ لانچ ءِ وسیلگ ءَ ایشرا  ابید  پینگ ءَ برجا کنگ ءِ واستہ  توامیں المی ایں گامگیج  چست کنگ بیت۔  مزن وزیر ءَ اے موہ ءِ سر ءَ گوشت کہ  ایمرجنسی  ازمت پجاری کنوکیں ادارگ  فائر بریگیڈ، پولیس ،  طبی  چار ءُ تپاسی، کدرتی آپت ءَ چہ  رکھینگ ءُ موٹروے پولیس  ءَ ھوار ازمت  پجاری کنوکیں  توامیں 36   لس مردمی ایمرجنیس نمبرز آناں پاکستان  ایمرجنسی  ہیلپ لائن 911 ءَ ھوار کنگ بیت۔ کسے ھم ایشرا کمک ءِ واستہ  کال کنت گڈا  آئی ءَ را کمک پجاری کنگ بیت۔