بنجائی وزیر حوالکاری چوہدری فواد حسین تون اسپیکر پنجاب اسمبلی چوہدری پرویز الٰہی نا ٹیل فون آ رابطہ

اسلام آباد۔ 02 مارچ (اے پی پی) بنجائی وزیر حوالکاری چوہدری فواد حسین تون اسپیکر پنجاب اسمبلی چوہدری پرویز الٰہی ٹیل فون آ رابطہ کرے و وزیراعظم عمران خان نا کنڈآن دورہ لاہور اٹی چوہدری شجاعت حسین نا جان جوڑی نا اَریفنگ آ منت واری  ءِ ہرفے۔ ہڑتوم آ راہشون تا نیام اٹ پیکا کانود تون اوار ایلو اہم امور آ ہم گپ وتران مس۔ چوہدری پرویز الٰہی بنجائی وزیر حوالکاری ءِ پیکا کانود آ میڈیا پارٹیز نا گڑتی تیان معلومدار کرے۔ چوہدری فواد حسین پارے کہ اسپیکر پنجاب اسمبلی پیکا کانود آ میڈیا و حکومت نا نیام اٹ ثالث نا کڑد ءِ ادا کے اوپارے کہ حکومت آجوئی سلاہ درشانی آ پورو یخین تخک۔ چوہدری فواد حسین پارے کہ نن گچین ریگولیشن آ کاریم کننگ اُن۔ وزیر حوالکاری و شینکاری پارے کہ حکومت تنقید نا خیرمقدم ءِ کیک ولے تنقید نا آڑاٹ کس اسے نا جند آ جلہو کننگ اسل سہی اف۔ چوہدری فواد حسین پارے کہ اسپیکر پنجاب اسمبلی نا میڈیا فریق آتون انت کہ باندات اس طے مریک حکومت اوفتیا عملدرآمد کیک۔