وزیراعظم عمران خان اینو سرسہب پاکستان پروگرام نا رداٹ بے سود وام تا بناءِ کیک، فرخ حبیب

اسلام آباد۔ 02 مارچ (اے پی پی) وزیر مملکت حوالکاری و شینکاری فرخ حبیب پارینے کہ وزیراعظم عمران خان اینو اسلام آباد اٹی اڈ ہلوک آ دود اٹی سرسہب پاکستان پروگرام نا رداٹ بے سود وام تا بناءِ کیک۔ اوپارے کہ کم وسیلہ بندغ آتے اخوت تون اوار ایلو مائیکرو فنانس ادارہ غاتا کمک اٹ کاروبار اس بناکننگ کن بے سود 5 لکھ اسکان و اُرا جوڑ کننگ کن 27 لکھ اسکان وام فراوان کننگک۔ سرسہب پاکستان پروگرام نیزگاری نا چٹفنگ کن وزیراعظم نا وژن نا بشخ اسے۔ وزیر مملکت پارے کہ سرسہب پاکستان پروگرام اٹ ورنا، زالبول ، بزغر ، کم خڑچ اُراتا تفنگ و کاروبار اس بناکننگ کن اِرا سال اٹی کل 407 ارب روپئی نا وام فراوان کننگک ۔ دامد اٹی حکومت 56 ارب روپئی نا سبسڈی فراوان کیک۔