وزیرخزانہ شوکت ترین نا کٹیا تا ہدف آتے دوئی کننگ آ ایف بی آر ءِ مبارکباد

اسلام آباد۔ 02 مارچ (اے پی پی) بنجائی وزیر خزانہ شوکت ترین فروری کن کٹیا تا ہدف آتے دوئی کننگ آ ایف بی آر ءِ مبارکبادی تسنے۔ چار شنبے نادے آ تینا ٹویٹ اٹی وزیرخزانہ پارے کہ ایف بی آر فروری 2022 اکن کٹیا تا 441 ارب روپئی نا ہدف آتے سرسہبی اٹ دوئی کرینے۔ اوپارے کہ ایف بی آر نا کٹیا تیٹی جم وڑاٹ 28.5 درسد نا نمو مسنے وخت اس کہ ماہانہ بنداو تیا کٹیا تا وصولی ٹی 30 درسد ودکی مسنے۔ وزیر خزانہ پارے کہ حکومت ہندا کچ اٹ برجا مالی سال اکن کٹیا تا ہدف ءِ دوئی کیک۔