اسلام آباد۔1مارچ (اے پی پی):چیئرمین سینیٹ محمد صادق سنجرانی ءَ گشتگ کہ پاکستان “انگیج افریقہ” ءِ پالیسی ءِ ردءَ افریقی ملک آنی گوما دونیمگی سیادی ءَ را گیش گہتر کنگ ءِ واہشت مند اِنت، اثرمندیں سفارتکاری ءِ ردءَ زمبابوئے ء ُ ایندگہ افریقی ملک آنی دلگوشی پاکستان ءَ استیں زرکاری ءِ مزنیں موہ آنی نیمگ ءَ دلگوشی کنگ بیت۔ سینیٹ سیکرٹریٹ ءِ گشگ ءِ ردءَ اے ھیالانی درشانی آئی ءَ زمبابوے ءِ ھاترءَ پاکستان ءِ نامزد سفیر مراد بصیر ءَ گوں گپء ُتران کنان ءَکتگ۔ کہ آیاں گوں آئی ءَ سئے شمبے ء ِ روچءَ مزن گسءَ گندء ُنندکتگ۔ سینیٹءِ چیئرمین ءَ زمبابوے ءَ سفیر بوہگءَ مراد بصیر ءَ را مراد بات داتگ۔ سینیٹ چیئرمین ءَ گشتگ کہ پاکستان “انگیج افریقہ” ءِ پالیسی ءِ ردءَ افریقی ملک آنی گوما دونیمگی سیادی ءَ را گیش گہتر کنگءِ وائشت مند اِنت، پاکستان ءَ زرکاری کنگ ءِ بازیں موہ اَست، اثر مندیں سفارتکاری ءِ وسیلگءَ زمبابوے ء ُ ایندگہ افریقی ملک آنی دلگوشی پاکستان ءَ استیں زرکاری ءِ استیں مو ہ آنی نیمگ ءَ دلگوشی کنگ بہ بیت۔ زمبابوے ءِ ھاترءَ نامزد سفیر مراد بصیر ءَ سینیٹ ءِ چیئرمین ءِ شکرء ُمنت گپتگ ءُ میاں اوستمانی تک ءَ پاکستانءِ اثرمندیں وڑے ءَ نمائندگی ءِ جزم ءَ را ساڑاتگ۔ آئی ءَگشتگ کہ زمبابوے ءِ گوما گہتریں دونیمگی بیپاری ءِ ھاترءَ بزنس ٹو بزنس گندء ُ ننداناں گیش کنگءِ ضلور ت اِنت، پاکستان ءِ زمبابوے ءِ ھاترءَ برآمد گیش کنگءِ ھاترءَ گامگیج چست کنگءِ ضلورت اِنت، 2019 ءَ پاکستان ءِ زمبابوے ءِ ھاترءَ 10.4 ملین ڈالر بوتگ کہ اے گیش کنگ بوت کنت۔
