آسٹریلین کرکٹ ٹیم ءِ پاکستان آیگ راج ءِ  ھاترءَ مزنیں  شرپ اِت، مہمان ٹیم ءَ را سرجمیں عزت دیئگ بیت ء ُ سرجم ءَ رکینگی بندوبست کنگ بنت، بھارتءِ پندل ناکام بوتاں، درستیں ٹیم پاکستان ءَ کایاں، تہی کارانی بنجاہی وزیر شیخ رشید احمد

راولپنڈی۔1مارچ  (اے پی پی): تہی کارانی بنجاہی وزیر شیخ رشید احمد ءَ گشتگ کہ آسٹریلین کرکٹ ٹیم کرکٹ ٹیم ءِ پاکستان آیگ سرجمیں راج ءِ ھاترءَ شرپ ءِ گپ اِنت، مہمان ٹیم ءَ را سرجمیں عزت ء ُ پہ آیانی ھاترءَ رکینگی بندوبست کنگ بنت، آسٹریلیا کرکٹ  ٹیم ءَ ر ا درائیں آسراتی دیاں ء ُ پہ آیانی ھا ترءَ سکیورٹی ءِ گہتریں بندوبست کنگ بنت، بھارت ءِ درائیں پندل ناکام بوتاں، درستیں ٹیم پاکستان ءَ کایاں، نیوزی لینڈ ٹیم بھارتی پندل ءِ آماچ بوت۔  اے ھیالانی درشانی  تہی کارانی بنجاہی وزیر شیخ رشید احمد ءَ سئے شمبے ءِ روچءَ روالپنڈی کرکٹ سٹیڈیم ءِ ترءُ تاب ء ِ موہ ءَ سکیورٹی بندوبستانی چارءُ تپاسی کنگ ءَ پد میڈیا ءَ گوں گپءُ تران  کنان ءَ کتگ۔ تہی کارانی بنجاہی وزیر شیخ رشید احمد ءَ  گشتگ  کہ انڈیا ءِ  مردم اے ترء ُتاب ءَ چہ وش نیاں، پاکستانی راج ءَ ٹیم ءَ را وش اَتک  گشتگ، کرکٹ بورڈ، راولپنڈی ء ُ اسلام آباد ءَ ہوار سرجمیں راج پاکستان  فوج ءَ را دادء ُ سلام پیش کنت، ہندوستان ءَ  زی لگوریں کارے کتگ، کسان کسانیں   کوچگءَ ہم کرکٹ  لیب کنگ بیت، مزن وزیر عمران خان ءِ پنت  ء ُ شون ءِ سرءَ کرکٹ سٹیڈیم ء ُ فائیواسٹار ہوٹل جوڑ کنگ بیت۔  دنیا ءِ ماڈرن سٹیڈیم ءُ فائیوسٹار ہوٹل جوڑ کنگ بوہگءَ اِنت، سی ڈی اے ءَ را پنتء ُ شون کنگ بیت کہ سرجمی ءَ کرکٹ سٹیڈیم  ء ُ فائیوسٹار ہوٹل ءِ ٹھیکہ دیئگ بہ بیت۔ صحافی آنی جستانی پسو داتگءُ  تہی کارانی بنجاہی وزیر ءَ گشتگ کہ بھارت  ایچ کُت نہ کنت چیا کہ آسٹریلوی مردم زاناں کہ پاکستانی راج  کرکٹ ءُ آ سٹریلوی  اُلس ءَ گوں مہر ء ُ محبت کنت ء ُ  ما آئی ءِ شکر  ء ُ گزار اَنت کہ  بھارت ءِ درائیں پندلا ں آبید ہم آسٹریلوی ٹیم پاکستان ءَ اَست اَنت۔ ایشی ءَ چہ پیسر تہی کارانی بنجاہی وزیر ءَ سٹیڈیم ءَ سکیورٹی ءُ ایندگہ بندوبستانی چارءُ تپاسی کتگ ء ُ ہمگرنچیں حکام ءَ را گہتریں بندوبست کنگ ءِ پنتء ُشون کتگ ۔ اے موہ ءَ آفیشلز ءَ  تہی کارانی بنجاہی وزیر ء َ را کرکٹ میچ ءِ وہدءَ سکیورٹی ءَ ہوار ایندگہ بندوبستانی  ہوالگءَ شونست ہم داتگ۔