لاہور۔1مارچ (اے پی پی): مزن وزیر عمران خان ءَ پیسریگیں مزن وزیر چودھری شجاعت حسین ءُ سپیکر پنجاب اسمبلی چودھری پرویز الہی ءَ گوں گند ءُ نند کت۔ مزن وزیر عمران خان ءَ چودھری شجاعت حسین ءِ ھال پرسی کت۔ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ اے موہ ءِ سر ءَ استیں ملکی سیاسی جاور ھال ءُ وت مہ وتی واھگی کار آنی سر ءَ تران کنگ بوت۔ مزن وزیر عمران خان ءَ گوشت کہ آ دعا ایگ آں کہ اللہ پاک چوہدری شجاعت حسین ءَ را زوت جان سلامتی بکن آت۔ چودھری شجاعت حسینءِ ھال پرسی ءَ آیگ ءِ پد ءَ مزن وزیر عمران خان ءِ شگر ءُ منت واری گپت۔ سر وزیر پنجاپ سردار عثمان بزدار، بنجاھی وزیر فواد حسین ، مخدوم خسرو بختیار، شفقت محمود، حماد اظہر ، مزن وزیر ءِ مشیر عبدالرزاق داؤد ءُ عامر ڈوگر ھم مزن وزیر ءِ ھمبراہ گون ات۔ گند ءُ نند ءَ راجی اسمبلی ءِ باسک سالک حسین، حسین الہی ءَ ابید شافع حسین، راسخ الہی ءُ منتہا اشرف ، محمد خان بھٹی ھم ساڑی ات۔
