لاہور۔1مارچ (اے پی پی): مزن وزیر عمران خان ءَ گوشت کہ حکومت ءَر ا گران بھائی ءِ سبب ءَ الس آنی جیڈھ آنی بابت ءَ جوان سرپدی است انت، میاں اوستمانی منڈی آنی تہ ءَ سامان آنی گران بھائی ءِ سبب ءَ در آمدی گران بھائی ءِ نیگیٹو رند پد آں گوں ایشاناں رکھینگ ءِ واستہ ھمک رنگیں گامگیج چست کنگ ءَ اِنت، پٹرول ءُ ڈیزل ءِ یک لیٹر نیاد ءِ تہ ءَ 10 کلدار ءُ توان ءِ یک یونٹ ءِ سر ءَ 5 کلدار ءِ کمی الس دوستی ءِ گامگیج اِنت۔ یک لاہور ءِ تر ءُ تاب مزن وزیر عمران خان ءَ گوں راولپنڈی ، بہاولپور ، ملتان ءُ ساہیوال ڈویژنز آں گوں سیادی داروکیں پارلیمان ءِ باسک آں گوں جتا جتائیں گند ءُ ند کت۔ مزن وزیر ءَ پارلیمان ءِ باسک آناں پنت ءُ شون کت کہ آ الس ءِ گوما وتی رابطہ ءَ را مھکم بکن اَنت تانکہ آوانی توک ءَ چاگردی ءُ اقتصادی دیمروئی ءِ واتہ جاڑیگیں جتا جتائیں سرکاری سکیم آنی بابت ءَ گیشاں چہ گیش سرپدی دیگ بوت بہ کنت، اے اسکیم آنی تہ ءَ نوکیں پاکستان راجی جان سلامتی کاٹ ءِ چیر دستی ءَ سستائیں راشن پروگرام ءُ ایندگر گریب دوستیں گامگیج، کسان کاٹ ءِ چیر دستی کشار ءِ واستہ وام ءُ سستائیں نیاد ءَ جوانیں تو، کد ءُ کرم کشُیں درمان آنی پجاری، کامیات ورنا ءُ کامیات پاکستان پروگرام ءِ چیر دستی ءَ ہوم فنانسنگ، سستائیں کاروباری وام ءُورنا آنی واستہ کزبی کار آنی تہ ءَ ھیل کاری ھوار اَنت۔ مزن وزیر ءَ اے موہ ءِ سر ءَ گوشت ک حکومت ءَ گران بھائی ءِ سبب ءَ استیں السی جیڈھ آنی ھوالگ ءَ سرپدی است انت ءُ میاں اوستمانی منڈی آنی تہ ءَ سامان آنی گیش بوھوکیں قیمت آنی سبب ءَ درآمدی گران بھائی ءِ نیگیٹیو رند پد آں چہ ایشاناں رکھینگ ءِ واستہ توامیں گامگیج آناں کنگ ءَ اَنت۔
