لاہور۔1مارچ (اے پی پی): مزن وزیر عمران خان ءَ گوشت کہ ملک صنعتی دیمروئی ءَ چہ دیمروئی کنت، حکومت صنعت آنی واستہ آسراتی دیگ ءَ انت، گوست ءَ برآمدسات آنی دیمروئی ءِ سر ءَ دلگوشی نہ دنت، مئے دلگوش کسانیں ءُ نیامی درجگ ءِ صنعت آنی سر ءَ انت، ایس ایم ایز ءِ واستہ آسراتی دیگ ءَ آں۔ زر ءَ آدیم نندوکیں پاکستانی آناں ملک ءَ سرمایہ کاری ءِ واستہ …
ملک صنعتی دیمروئی ءَ چہ دیم ءَجنز ایت، حکومت صنعت آنی واستہ آسراتی دیگ ءَ انت، مزن وزیر عمران خان
لاہور۔1مارچ (اے پی پی): مزن وزیر عمران خان ءَ گوشت کہ ملک صنعتی دیمروئی ءَ چہ دیمروئی کنت، حکومت صنعت آنی واستہ آسراتی دیگ ءَ انت، گوست ءَ برآمدسات آنی دیمروئی ءِ سر ءَ دلگوشی نہ دنت، مئے دلگوش کسانیں ءُ نیامی درجگ ءِ صنعت آنی سر ءَ انت، ایس ایم ایز ءِ واستہ آسراتی دیگ ءَ آں۔ زر ءَ آدیم نندوکیں پاکستانی آناں ملک ءَ سرمایہ کاری ءِ واستہ دلگوش کناں۔ اے ھیالانی درشانی آئی ءَ سئے شمبے ءِ روچ ءَ ادا انڈسٹریل پیکیج ءِ ھوالگ ءَ مراگش ءَ گوں گشتانک دیان ءَ کت۔ مزن وزیر ءَ گوشت کہ حکومت ءِ کار کرد ءِ سر یک شل ءَ چار ءُ تپاسی گرگ ءَ آں۔ کاروباری تبک ءِ واستہ پیکیج ءِ جار باز پیسر ءَ بہ بوت اِنت۔ آئی ءَ گوشت کہ صنعتی دیمروئی ءِ بنیات ءَ ملک دیمءَ جنز انت۔ گوست ءَ پاکستان باز ترندی ءَ گوں دیمروئی کنگ ءَ بوتگ۔ 70 ءِ زمانگ ءَ بوھوکیں نیشنلائزئیشن ءَ چہ تاوان بوتگ، سوشلسٹ مائنڈ سیٹ ءِ رد ءَ صنعت آنان سیت کمائینگ ءِ موہ مہ بیت گڈا دیمروئی چوں بوت کنت۔ دولت ءِ پیداوار ءَ چہ ملک دیمروئی کنت۔ مزن وزیر ءَ گوشت کہ گوستگیں حکومت ملک ءِ معیشت ءَ را راستیں نیمگ ءَ کنگ ءَ ناکام بوتگ اَنت۔ جوانیں آسراتی ءِ بنیات ءَ سرمایہ کار دلگوش بنت۔ حکومت ءَ آیگ ءَ چہ مئے اورلی ترجی ملک ءَ صنعتی شوبگ ءِ دیمروئی بوتگ۔ آئی ءَ گوشت کہ ایمنسٹی ءِ کار ءَ صنعتی شوبگ ءَ را یک شل ءَ سیت رسینگ لوٹ ایت۔ مزن وزیر ءَ برآمدات ءِ دیمروئی ءِ واستہ حکومت ءِ پالیشی ءَ را سہرا کنان ءَ گوشت کہ گوست ءَ برآمدات ءِ دیمروئی ءَ دلگوشی دیگ نہ بوتگ۔ مئے دلگوشی کسانیں ءُ درنیامی درجگ ءِ کاروبار ءِ واستہ آسانی پیداک کنگ ءِ سر ءَ اَنت۔ ما اے ھوالگ ءَ پالیشی زرتگ ءُ دیم ءَ اتکگ آں ءُ اے شوبگ ءَ آسراتی دیگ ءَ آں۔ مزن وزیر ءَ گوشت کہ کاروبار ءِ واستہ آسانی پیداک کنگ ءِ سر ءَ اَنت۔ ما اے ھوالگ ءَ پالیشی زرتگ ءُ اتکگ آں ءُ اے شوبگ ءَ را آسراتی دیگ ءَ آں۔ مزن وزیر ءَ گوشت کہ کاروبار ءِ واستہ آسانی پیداک کنوکیں ملک آنی درجگ بندی ءَ پاکستان ءِ پوزیشن ءَ گیش گہتری اتکگ۔ آئی ءَ گوشت کہ زر ءَ آدیم نندوکیں پاکستانی ملک ءِ مڈی اَنت۔ ایشانی واستہ آسانی پیداک کناں ءُ آسراتی دیاں۔ حکومت پالیشی ءِ بدولت ءَ مرچی زر شنگ ءُ تالان ءِ ریکاٹی ایں تک ءَ اَنت۔
