پٹرول   ءُ  ڈیزل  ءِ نیاد 10 کلدار یک لیٹر ءُ توان ءِ نیاد ءَ 5 کلدار یک یونٹ  کمی ءُ  بزگریں ھاندان آنی واستہ مالی کمک  ءِ تہ ءَ گیشی ءِ جار، آیوکیں بجٹ ءَ تاں توان ءُ پٹرولیم ءِ  نیاد آنی تہ ءَ اچ گیشی کنگ نہ بیت، مزن وزیر  عمران  خان ءِ راج ءَ گوں گشتانک

اسلام آباد۔28فروری  (اے پی پی): مزن وزیر عمران خان ءَ میاں اوستمانی  تک ءَ ٹیل ءِ نیاد آنی تہ ءَ  گیشی ءُ گران بھائی  بوھگ ءَ ابید ملک ءَ پٹرول ءُ ڈیزل ءِ نیاد 10 درسد یک لیٹر  ءُ توانءِ نیاد ءَ 5  کلدار  یک یونٹ کم کنگ، بزگریں ھاندان ءِ واستہ مالی کمک 12 ہزار کلدار ءَ چہ گیش کنان ءَ 14 ہزار کلدار  کنگ، گس آنی جوڑیشت ،  دھکان  ءُ کاروبار ءِ واستہ 407 ارب  کلدار ءِ وام پجاری کنت، انٹرن شپ کنوکیں ورنا آناں 30 ہزار کلدار وظیفہ ءِ پجاری،  اوورسیز  پاکستانی آناں سرمایہ کاری یا جوائنٹ وینر ءِ  رنگ ءَ ٹیکس ءَ پنچ سال ءِ یلوئی ءُ آئی ٹی  سٹارٹ اپ ءِ سر  ءَ 100 درسد کیپٹل گین ٹیکس ھلاس کنگ ءِ جار جنان ءَ  گوشت کہ آیوکیں بجٹ ءَ تاں توان ءُ پٹرولیم  ءِ چیز آنی نیاد ءِ تہءَ گیشی کنگ نہ بیت،   لوگ ءِ  بندگ ءِ واستہ 1400 ارب کلدار ءِ وام  پجاری کنگ ءَ آں، ملک ءُ معیشت   نوں راستیں کشک ءَ رھادگ  بوتگ اَنت۔ سوشل میڈیا ءِ سر  ءَ مردم آناں فیک نیوز چلائینگ بوھگ ءَ اِںت، اے کُجے  اھوالکاری اِنت، مزن وزیر  آزات کشمیر  ءِ ھوالگ ءَ سئے مردم آناں ھال تاک  آنی تہءَ  ھما  گیر اخلاقی چیز آناں چاپ  کتگ اگاں کسے برطانیہ ءَ اے رنگ بہ کُتیں  گڈا اھوال تاک بند بوتگ اَتاں، فیک فیوز ءِ   ھلاسی ءِ کانود ءَ چہ شریں  ءُ کزبی اھوالکا ر گل بنت،  حکومت ءَ را  میڈیا ءِ  ایراگ ءِ اچ جیڈھ  نیست،  دو شمبے ءِ  بیگاہ ءَ راج  ءَ گوں گشتانک ءَ مزن وزیر  ءَ   گوشت کہ دگنیا ءَ  ترندی ءَ گوں جاور ھال  مٹ بوھگ  ءَ انت۔   ایندگر   دگنیا آنی گوما  مٹ بوھوکیں جاور ھال آنی پاکستان ءِ  سر ءَ رند پد نکش بوھگ ءَ انت،  2018  ءَ پاکستان ءِ تاریخ ءِ درستاں چہ مستریں  ڈکالی بوتگ۔  آئی ءَ گوشت کہ  زرامبار آناں سئے ھپتگ آنی تہ ءَ  در آمدی  ءِ بروبر بوتگ اَنت۔ مزن وزیر ءَ گوشت کہ کورونا ءَ چہ دگنیا  ءِ سرجمیں معیشت  آماچ بوتگ اَنت۔  لاک ڈائون چست بوھگ ءَ د گنیا ءَ گران بائی ءِ توپان  اتکگ ما پاکستان ءِ کورونا ءَ  گوں گر ءُ چیل بوھگ ءِ  گہتریں گامگیج آنی بدولت ءَ ما معیشت ءُ گران قیمتیں جان آناں رکھینگ ءَ کامیات بوھگ ءَ آں۔ مزن وزیر ءَ گوشت کہ  کورونا  ءَ گوں گر ءُ چیل  بوھگ ءِ ھوالگ ءَ دگنیا ءَ  ٹوھیں ادارگ آں پاکستان ءِ توسیتپ کتگ، اکانومسٹ ءُ میاں اوستمانی بینک ءَ پاکستان ءِ گامگیج  ءَ  را ساڑاتگ۔  یک نیمگ ءَ ما کورونا  ءَ گوں گر ءُچیل بوتگ انت ءُ دومی نیمگ ءَ  پولیو  زیرو بوتگ۔  آئی ءَ گوشت کہ دگنیا ءَ اے وھد ءَ 40 سال   آنی تہ ءِ  گران  بائی بوتگ۔  کینیڈا ءَ 30 سال ءَ درستاں چہ گیش  ءُ ترکی ءَ گران بائی ءِ 20 سال ریکاٹ پرشتگ۔ مزن وزیر ءَ  گوستگیں وھد  ءِ تران  کنان ءَ گوشت کہ پیپلز پارٹی ءِ  اولی دور ءَ   13.9  درسد گران بھائی بوتگ، پیپلز پارٹی ءِ  دومی دور ءَ 8.3 درسد گران بھائی بوتگ،  (ن) لیگ ءِ پیسریگیں دور ءَ میاں اوستمانی تک ءَ ٹیل ءِ  قیمت درستاں چہ کم بوتگ انت وھدیکہ تحریک انصاف ء، اولی سئے سال آنی تہ ءَ   8.5 درسد گران بائی بوتگ۔ مزن وزیر ءَ گوشت کہ   سکیں ساھت ءَ  چہ در کپتگ آں،  حکومت ھمک وھد ءَ الد ءِ سر ءَ  بار ءَ را کم کنگ ءِ بابت  ءَ سسا کنت، ملک ءُ معیشت  انوں راستیں کشک ءَ راھادگ بوتگ اَنت۔