پاکستان ءَ توامیں  درئی  نیک راھ ایمنیں رنگ ءَ اَنت ءُ ملکی دیمروئی ءَ وتی کرد ءَ را پیلو کنگ  ءَ اَنت، مزن وزیر عمران خان  

اسلام آباد۔28فروری  (اے پی پی): مزن وزیر عمران خان ءَگوشت کہ پاکستان دود ءُ ربیدگی   رد ءَ  جوانیں ملک اِت  ایش ہندو، عیسائی  ءَ ھوار جتا  جتائیں  گور آنی گس اِنت اے توامیں مردم ایمنیں رنگ ءَ  نشتگ اَنت ءُ پاکستان ءِ دیمروئی ءَ  وتی کرد ءَ را پیلو  کنگ ءَ انت وھدیکہ بھارت ءَ  گور آناں  ھرابیں نیک راھی کشاں چیل  ءُ  جنگ ءُ چوپ ءَ  گوں دیم پہ دیمی انت ایش باز اپسوزی اِنت، مئے حکومت ءَ اسلام  ءِ راستیں   کلوہ ءَ را دیمروئی دیگ ءِ واستہ رحمت اللعالمین ﷺ اتھارٹی   جوڑ کتگ۔ دو شمبے ءَ مزن وزیر میڈیا کارگس ءَ چہ رستیں پریس ریلیز ءِ رد ءَ مزن وزیر  عمران خان  ءَ کینٹر بری ءِ آرچ بشپ ءَ گوں گند ءُ نند کت۔ مزن وزیر ءَ اے موہ ءِ سر ءَ میاں اوستمانی  وت مہو تی یکوئی، نیک راھی   یک مشتی ءُ جتا جتائیں  نیک راھ آںی  مردم آنی نیام ءَ یکوئی ءِ ارزشت ءَ را  سہرا کتگ۔  مزن وزیر ءَ  پاکستان ءِ کانود ءَ درجیں  گور آنی ھک آنی رکھینگ ءِ واستہ وتی  حکومت ءِ جزم  ءِ درشان کتگ۔ مزن وزیر ءَ   گوشت کہ پاکستان دود ءُ ربیدگی رد ءَ  جوانیں  ملک ات  ءُ اے ہندوئی ءُ عیسائی   آں ھوار  جتا جتائیں نیک راھی   منو ک آنی گس اِنت ءُ اے توامیں مردم   ادا ایمنی ءَ  نشتگ انت ءُ  پاکستان ءِ دیمروئی ءَ وتی کرد ءَ پیلو کنگ ءَ انت۔  آئی ءَ  اپسوزی ءِ درشان کت کہ ھمساھیگیں ملک   بھارت ءَ  گور ھاسیں رنگ ءَ  مسلمان آناں  ھرابیں رنگ ءَ نیک راھی   کشاں چیل ءُ  جنگ ءُ چوپ ءِ  نشانگ بندگ بوھگ ءَ انت۔ مزن و2زیر ءَ آرچ بشپ ءَ را گوشت کہ  آئی ءِ  حکومت ءَ اسلام  ءِ راستیں  کلوہ ءَ را دیمروئی دیگ  ءِ وساتہ رحمت اللعالمین ﷺ اتھارٹی جوڑ کتگ ایش اسلام  ءِ  راستیں کلوہ ءِ دیمروئی دنت  ایش  نیک راھ آنی وت مہ وتی  نزیکی ءُ  انسانیت ءِ  ایمن بوھگ ءِ سر ءَ دل یکیمی دار ایت۔ آرچ بشپ ءَ اے موہ ءِ سر ءَ گوشت کہ نیک راھی یکوئی   وھد ءِ المی ایں ضلورت انت۔  ایشی ءَ چہ پیسر بشپ جسٹن ویلیبی  ءَ پشاور ءِ آر سینیٹس چرچ ءَ یک شمبے  ءَ  مچی ءَ گوں  شرکت کت ءُ ایمنی ءُ  نیک راھی   یکوئی ءِ کلوہ دات۔