صدر ءِ مملکت ڈاکٹر عارف علوی ءَ گوں آرچ بشپ آف کینٹری بری، جسٹن ویلبی ءِ گند ءُ نند، نیک راھی وت مہ وتی ءُ  یکوئی ءِ دیمروئی  ءِ واستہ تران

اسلام آباد۔28فروری  (اے پی پی):صدر مملکت ڈاکٹر عارف علوی ءَ گوشت کہ جتا جتائیں نیک راھ آنی مردم آنی نیام ءَ ایمنی ءِ رکھینگ ءِ واستہ   نیک راھ آنی نیام ءَ یکوئی  ءِ  ضلورت اِنت،  چاگرد ءَ را   ساپ کنگ ءِ واستہ وت مہ وتی  شرپ ءَ را دیمروئی  دیگ المی انت۔  ایوان ءِ صدر ءِ پریس  ونگ ءِ نیمگ ءَ   جاڑی بوتگیں دو شمبے ءِ روچ ءِ  بیان ءِ رد ءَ  صدر ءِ مملکت ءَ گوں آرچ بشپ آف کینٹربری، جسٹن ویلبی ءَ  گند ءُ نند کت۔  ایشی ءِ توک ءَ نیک  راھی ادارگ  ھاسیں رنگ ءَ  مسیت ءُ چرچ  آنی ارزشت ءِ سر ءَ   چمشانک دیگ بوت۔ جار ءِ تہ ءَ گوشگ بوت کہ نیک راھی ادارگ  راج آنی نیام ءَ  نیک راھی  یکوئی ءُ وت مہ وتی یکوئی ءِ دیمروئی ءَ ارزشتی ایں کرد ءِ پیلو کت  کنت۔ صدر  مملکت ڈاکٹر عارف علوی ءَ گوشت کہ دگنیا ءَ را  جتا جتائیں  جیڈھ آںی گوما  دیم پہ دیمی انت، چاگرد ءَ را   ساپ ءُ سلہ کنگ ءِ واستہ  وت مہ وتی  شرپ ءَ را دیمروئی دیگ المی انت، دگنیا ءَ را  بنی آدم دوستی ءُ ایمنی ءِ واستہ کار کنگ، مردم آنی  مشکل آنی دور کنگ  ءِ ضلورت انت۔  دگنیا ءَ  را  بنی آدم دوستی ءُ ایمنی ءِ واستہ کار کنگ، مردم آنی  مشل آنی دور کنگ ءِ واستہ گامگیج کنگ ءِ ضلورت اِنت، آئی ءَ گوشت کہ پاکستان ءَ 40 لکھ اوگان لڈ ءُ بار کنوک آنی میزبانی  کتگ۔   لڈ ءُ بار کنوک آنی  چار ءُ گزار  کنگ میاں اوستمانی برات آنی ھم  اخلاقی زمہ واری انت،  آرچ بشپ ءَ گوشت کہ لڈ ءُ بار کنوک آنی  جیڈھ آنی گوما گر ءُ چیل بوھگ ءِ واستہ  میں اوستمانی کنونشن ءِ  ضلورت انت۔