مزن وزیر عمران  خان ءِ سروکی سپیشل ٹیکنالوجی زون اتھارٹی ءِ  بورڈ آف گورنرز ءِ چارمی دیوان،  اسلام آباد ءَ جتا جتائیں ٹیکنالوجی ءُ انووسیشن کلسٹرز  جوڑ کنگ ءِ  منظوری

اسلام آباد۔28فروری  (اے پی پی):مزن وزیر عمران خان ءَگ وشت کہ حکومت انفارمیشن ٹیکنالوجی  ءِ سر ءَ دلگوش دیگ ءَ انت،  آئی ٹی  ءِ شوبگ ءَ ورنا آناں  روزگار ءِ    پراھ ءُ شاھیگانیں موہ پجاری  کنگ بوت کنت۔ اے ھیالانی درشانی  آئی ءَ   دو شمبے ءَ سپیشل ٹیکنالوجی زون اتھارٹی ءِ بورڈذ آف گورنر ءِ چارمی دیوان  ءِ سروکی ءَ کنان ءَ کت۔ مزن وزیر  ءَ گوشت کہ  ٹوھیں شہر آنی تہءَ آئی ٹی ءَ گوں  نزیکیں مردم آنی  آسراتی  ءِ واستہ ھاسیں زون  جوڑ کنگ بوھگ ءَ انت۔ اے مول ءُ مراد ءِ  واستہ حکومت ءَ   این او سی ءِ در جنگ ءِ مٹ  ءَ   وانگ ءُ زانگی نظام  ءَ را ہرا  کتگ۔   آئی ءَ گوشت کہ  ورنا آنی آباتی ءِ 68 درسد  اَنت، آئی ٹی ءِ شوبگ ءَ  "کھپت” ءِ  ٹوھیں گنجاشک است اِنت۔ ایشی ءِ وسیلگ ءَ چاگردی اقتصادی دیمروئی ءِ  کشک  ساپ ءُ سلہ بیت۔ ایشی ءَ چہ پیسر بورڈ آف گورنر   ءَ اسلام آباد ءَ  جتا جتائیں ٹیکنالوجی  وانوویشن کلسٹر جوڑ کنگ ءِ منظوری داتگ  ایشانی مول ءُ مراد  ٹیکنالوجی سٹارٹ اپس  ءُ فری  لانسرز ءِ دیمروئی ءِ واستہ استیں بنیاتی کوکا ءِ  کارمرز کنگ ءِ ھوالگ ءَ آئی ٹی ءِ شوبگ ءِ واستہ جوانیں   جاور پیداک کنگ انت۔   مزن وزیشر ءَ سیادی داروکیں  کارندہ   پنت ءُ شون کت کہ ٹیکنالوجی دوستیں  نظام  جوڑ کنگ ءِ واستہ توامیں  استیں گامگیج کنگ بہ بیت  ایشانی تہ ءَ رجسٹرڈ ٹیک سٹار اپس  ءُ فری لانسرز آنی واستہ  ٹیکس ءِ  یلوئی،  پاکستان ٹیکنالوجی سٹارٹ اپ فنڈ ءِ جوڑ یشت ءُ  ملکی  ءُ  گیر ملکی جوائنٹ  وینچرز فنڈنگ  ءَ ھوار  گامگیج   ھوار اَنت۔  دیوان ءَ وزیر ءِ درئی  کار شوکت ترین، بنجاھی وزیر اھوالکاری ءُ شنگ کاری چوہدری فواد حسین، بنجاھی وزیر ھاٹیگ حماد اظہر، بنجاھی وزیر صنعت خسرو بختیار ، مزن وزیر ءِ ھاسیں  کمکار برائے گریبی ءِ ھلاسی ءُ چاگردی رکھینوک سینیٹر ڈاکٹر ثانیہ نشتر، مزن وزیر ءِ ھاسیں کمکار ڈاکٹر شہباز گل،   چیئرمین سپیشل ٹیکنالوجی زورنز اتھارٹی  عامر ہاشمی، چیئرمین سی ڈی  سی ڈی اے عامر علی احمد  ءُ  ایندگر سیادی داروکیں  اپسرگ  آں  بھر زوری کت۔