لاہور چیمبر نا جوڑ مننگ ءِ سد سال پورو مننگ آ مبارکباد، ننا کلچر نا بنداوی رنگ قرآن پاک ءِ، نور الحق قادری

لاہور ۔ 28فروری (اے پی پی) لاہور چیمبر نا جوڑ مننگ ءِ سدسال پورو مننگ آمبارکبادی ایتیوہ، دود انا حسن قرات آن بناءِ کننگ جوان ءُ روایت اسے ہراناصلہ ءِ اللہ ضرور ایتک، ننا کلچر نا اخس کہ رنگ ءُ غٹ آن بنداوی رنگ قرآن پاک ءِ۔ داخیال آتا درشانی ءِ بنجائی وزیر مذہبی امور نور الحق قادری دوشنبے نادے آ لاہور چیمبر نا کنڈآن چیمبر نا سد سال پورو مننگ نا بابت اڈ ہلوک مقابلہ حسن قرات نا دود آن تران کرسا کرے۔ اوپارے کہ ننا حکومت اٹ غٹ فرقہ غاتا امنائی سلاہ اٹ قرآن پاک نا امنائی ترجمہ پورو مسنے، کے پی کے ٹی مڈل اسکان ناظرہ و میٹرک اسکان حفظ نا نصاب نا بناءِ کننگانے وخت اس کہ اسیجائی نصاب اٹی سیرت نبی ءِ میٹرک اسکان تخنگانے، قرآن پاک ءِ غلطی تیان پاک تخنگ کن قرآن بل ءِ قومی اسمبلی ٹی پیش کننگانے، ہرا غلطی کیک اوڑکن سزا و جرمانہ تخانے۔ اوپارے کہ مقدس ورق آتا رکھ اکن اسلام آباد اٹی ری سائیکلنگ پلانٹ اس خلنگ نا سلاہ تسونن، جامعہ ازہر تون ایم او یو سائن کننگانے و اونا لاہور اٹی کیمپس اس جوڑ کننگانے ہراڑے مصر و ایلو ملک آتا قراحضرات چناتے قرآن پاک نا تعلیم ایترہ۔ اوپارےکہ قرآن پاک ءِ ہڑدے ئی زند بشخ کین تو زند انا اسلوب گچین مریک، غٹ قاری حضرات آک قرآن پاک ءِ بھاز جوان وڑاٹ خوانار، غارحراٹی نازل مروک آ قرآن پاک اینو چانڑدہ سال آن پد ہم ہرجاگہ غا اونا توار پِننگ ءِ و قیامت اسکان ہرجاگہ غا اونا توار پنسا کیک۔ اوپارے کہ کنے قرآن پاک ءِ خواننگ آن زیات خف توننگ نا شوق ءِ۔ اوپارے کہ عئید آن پد بنجائی کہول آ انٹرنیشنل قرات نا مقابلہ غاتے اسلام آباد اٹی اڈتننگک ہراٹی 12 ملک آتیان قراحضرات آتے بٹنگ انگک اوکان پد صوبائی کہول آہم قرات نا مقابلہ مریک داوخت آ نمان کبیر صدر، حارث عتیق نائب صدر، رحمان عزیز سینئر نائب صدر ، جنرل سیکرٹری شاہد خلیل، مولانا انتخاب نوری، مردان علی زیدی، قدرت اللہ تون اوار لاہور چیمبر نا باسک و ایلو شخصیت آک ہم ساڑی ئسر۔ دود  انا ایسر آ مہمان خاص بنجائی وزیر نور الحق قادری قراحضرات آتیٹی انعام بشخا۔