شہباز شریف منی لانڈرنگ کیس اٹ داتم اسکان 9 وار التوا ہلکونے، فرخ حبیب

اسلام آباد۔ 28 فروری (اے پی پی) وزیر مملکت حوالکاری و شینکاری فرخ حبیب پارینے کہ شہباز شریف منی لانڈرنگ کیس اٹ داتم اسکان 9 وار التوا ہلکونے، داوڑنا چم ہموکیک ہرادُزی کے۔ دوشنبے نادے آ تینا اسہ ٹویٹ اسے ٹی وزیر مملکت پارے کہ شہباز شریف فردجرم آن بچنگ کن وخت اس پوسکن ءُ درخواست اس دائرکیک و وخت اس  تینا وکیل ءِ عدالت آن غیرحاضر کرفک۔ او 16 ارب روپئی نا منی لانڈرنگ نا رمضان شوگر ملز کیس اٹ التو ہلیک ۔ شہباز شریف دا کیس اٹ داتم اسکان 9 وار التوا ہلکونے، داوڑنا چم ہموکیک ہرا دُزی کے۔ فرخ حبیب پارےکہ دا کیس انا ہڑدے ئی بنداو آ سماعت مرے۔