اسلام آباد۔ 28 فروری (اے پی پی) قومی انسداد پولیو پروگرام نا کوآرڈنیٹر ڈاکٹر شہزاد بیگ پارینے کہ اسہ سال آن مچ آ ملک اٹی پولیو نا ہچ ءُ کیس اس رپورٹ متنے، بنجائی دارالحکومت اتون اوار ہرچار آ صوبہ غاتیٹی پولیو مہم بناکرے، 43 ملین آن زیات چناتے پولیو آن بچفنگ نا پڑی کنفنگ ناہدف ءِ۔ دوشنبے نادے آ میڈیا تون گپ و تران کرسا اوپارے کہ اینخو سال انا اولیکو قومی انسداد پولیو مہم دوشنبے آن بناکرینے۔ اوپارے کہ پولیو مہم نا بنا بنجائی دارالحکومت تون اوار ہر چار آ صوبہ غاتیٹی مسنے۔ اوپارے کہ 43 ملین آن زیات چناتے پولیو آن بچفنگ نا پڑی کنفنگ نا ہدف ءِ مقرر کننگانے۔ ڈاکٹر شہزاد بیگ پارے کہ خیبرپختونخوا نا 6 ضلع غاتیٹی 21 فروری آن مہم بناکریسس۔ اوپارے کہ اسہ سال آن مچ آ ملک اٹی پولیو نا ہچءُ کیس اس رپورٹ متنے۔ سرسہبی ءِ برجاتخنگ کن پین گچین مہم آتا گرج ءِ۔ ڈاکٹر شہزاد شاری تیان خواست کرے کہ لمہ و باوہ پولیو ورکرز آتون کمک کیر۔ روشنا آخبت کن جان جوڑ چناتا گرج ءِ۔ اوپارے کہ 3 لکھ آن زیات فرنٹ لائن ورکرز مہم اٹی بشخ ہلنگ ءُ۔ لمہ و باوہ غاو و معلومداری کن ہیلپ لائن 1166 آ رابطہ کیر۔
