اسلام آباد۔ 28 فروری (اے پی پی) اوغانستان کن پاکستان نا خصوصی نمائندہ محمد صادق خان پارینے کہ پاکستان و اوغانستان نا تین پہ تینی واپار و پند اٹ ہن وبر اٹی پدریسہ ودکی مسنے، تدوک آ دے ملک آتا نیام اٹ 22 ہزار آن زیات شاری و 1585 ٹرک آتا ہن و برمس۔ دوشنبےنادے آ تینا ٹویٹ اٹی پاکستان و اوغانستان نا نیام اٹ شاری و ٹرک آتا ہن و برنا بابت سرجم آتے جاری کرسا اوپارے کہ تدوک آ دے پاکستان آن 12 ہزار 132 بندغ اوغانستان اٹی پترینگار وخت اس کہ 10 ہزار 553 بندغ پاکستان آ بسر، تدوک آ دے ہڑتوم آ ملک آتا نیام اٹ جم وڑاٹ 1585 ٹرک بسر، 708 ٹرک آتا کمک اٹ گڑاتے اوغانستان آ گدریفنگا وخت اس کہ 568 ٹرک آتا کمک اٹ گڑاتے اوغانستان آ درآمد کننگا، داکان بیدس 61 ٹرانزٹ ٹرک ہم اوغانستان آ ہنار، 2 ٹرانزٹ ٹرک و 246 خورک ٹرک پاکستان اٹ پترینگار۔ اوپارے کہ تدوک آ دے طورخم کراسنگ پوائنٹ آ 15 اوغان ناجوڑ آتا درمان کننگ آن پد اوفتے پدی اوغانستان آ گدریفنگا وخت اس کہ 138 ناجوڑ آتے درمان کن پاکستان آ بننگ نا موکل تننگا، داکان بیدس کراسنگ پوائنٹ آتیا 590 بندغ آتے کورونا ویکسین ہم خلنگا۔
