اسلام آباد۔ 28 فروری (اے پی پی) اینٹی نارکوٹکس فورس انٹیلیجنس و اے این ایف ملتان ، ملتان اٹی ڈی جی خان روڈ آ کارروائی کرسا کولاغان پُر ٹرک آن 630 کلوگرام آن زیات منشیات دوئی کریر۔ ترجمان اے این ایف نا رداٹ انٹیلی جنس حوال ملنگ آ پنجاب پٹرولنگ پولیس چیک پوسٹ آ ناکہ بندی کننگا ، غازی گھاٹ چونگی نا خڑک تلاشی ہلنگ آ ٹرک انا فیول ٹینک اٹی جوڑ کروک آاودیم خانہ و ٹرک انا فرش اٹی جوڑ اودیم خانہ غان 630 کلوگرام آن زیات منشیات دوئی کننگا۔ دوئی مروک آ منشیات اٹی 571.2 کلوگرام چرس، 55.2 کلوگرام ہفیم و 5.250 کلوگرام ایمفیٹامائن (آئس) اوار ءُ۔ کارروائی ٹی پشین نا ہنکینی فیض اللہ و عبداللہ پنی آ اِرا دوبہ دار آتے ہمووخت آ دزگیر کننگا۔ دوبہ دار آتا برخلاف انسداد منشیات ایکٹ نا رداٹ مقدمہ درج کرسا مستی جاست وپاست نا بناءِ کننگانے۔
