بیجنگ۔25فروری (اے پی پی):چین ءِ دری کارانی وزارت ءِ جارچین ہوا چونیانگ ءَ گشتگ کہ چین جنگءَ را گیش کنگءِ کجام ہم گامگیج ءَرا یر جنت ءُ آئی ءَ اولی روچءَ چہ درائیں نپرآناں جنگ ء َ را دارگ ءِ ھاترءَ گامگیج کنگ ءِ سکین داتگ۔ چینی حال رسانکی ادارگ ءِ گشگءِ ردءَ آئی ءَ یوکرین پدمنتگی ءِ سرءَ گوستگیں روچءَ ہمک روچگیں بنیات ءَ بوتگیں پریس کانفرنس ءِ وہدءَ کتگ کہ امریکہ ءَ یوکرین ءَ را ڈیڑھ ارب ڈالر ءِ یک ہزار ٹن سلاہ ء ُتراک ءِ سامان دیم داتگ بوتگ، اگاں آ وہدءَ درائیں نپرآں سول ء ُتران بہ کتیں ء ُ امنء ُایمنی ءَ را گیش کتیں ، یوکرین ءِ جیڑہء ُ جنجال ءِ تپاسی کنگ بوتیں، یکے دومیءِ تکانسری مارگ بہ بوتیں مرچی جاورھال چُش نہ بوتاں۔ آئی ءَ گشتگ کہ مرچی ہم امریکہ ءُ آئیءِ ہُشکیں نام ءِ منوکیں ہمراہ دارانی نیمگءَ راستیں ھترہ ءِ دیمپانی کنگ بوہگءَ اِنت کہ آ چین ءِ تہ ء ُ توکی کارانی تہا دست مان کنگ ءَ اِنت ء ُ سنکیانگ، ہانگ کانگءُ تائیوان ءِ سرءَ چین ءِ وت واجہی ء ُ سلامتی ءَ را نقصان دئیگ بوہگءَ اِنت ہمے سوب اِنت کہ اقوام متحدہ ءِ چا رٹرءِ مول ءُ مراد ء ُ رھبندانی ء ُ میاں اوستمانی سیادی ءِ بنکی رھبدانی سرءَ ترندی ءَ عمل کنگ ءَ اِنت ء ُ وتی وت وجہی ، سلامتی ء ُ دمگی سلامتی ءَ ہوار میاں اوستمانی انصاف ء ُ درملکی جانبداری ءَ را رکینگ ءَ اِنت۔ آئی ءَ گشتگ کہ اقوام متحدہ ءِ پکہیں باسک ء ُیک مزنیں آزاتیں ملک بوہگءِ ارزشت ءَ روسءَ آزاتی ءَ وتی فیصلہ ء ُ راجی پائدگ ءِ بنیات ءَ وتی سفارتی حکمت عملی جوڑ کتگ ءُ ایشی ءِ سرءَ عمل کنگ بوہگءَ اِنت۔
