اسلام آباد۔25فروری (اے پی پی): حالء ُ اھیوال کاری ء ُ شگکاری ءِ ملکی وزیر فرخ حبیب ءَ گشتگ کہ مزن وزیر عمران خان ءَ یک رندے پدا ماسکو ءَ وتی راستیں لیکہءَ را دنیاءِ دیما پیش کتگ کہ زور ء ُ طاقت ءِ کارمرزی جیڑہ ء ُ جنجالانی گیش ء ُ گیواری نہ اِنت ، روس ء ُ یوکرین ءَ را سول ءُ تران ءَ چہ جیڑہ ءَ را گیش گیوار کنگ لوٹ ایت۔ مزن وزیر عمران خان ءِ روسءِ ترءُتاب ءَ وتی ٹویٹ ءِ تہا ملکی وزیر فرخ حبیب ءَ گشتگ کہ مزن عمران خان ءِ روسءِ ترء ُتاب اے گپ ءِ ثبوت اِنت کہ پاکستان دمگی امنء ُ سلامتی ء ُ اقتصادی دیمروئی ءِ ھاترءَ کستء ُ کینگ ءِ بدل ءَ محکمیں امنء ُ ایمنی ءِ ھاترءَ کوشست کنگ ءَ اِنت۔ ملکی وزیر فرخ حبیب ءَ گشتگ کہ مزن وزیر عمران خان ءِ ترءُتاب ءِ ٹائمنگ ءِ سرءَ جست کنوکیں بہ زاناں کہ مزن وزیر میچ ءِ مزیں لیبی اِت۔ کشمیری جیڑہ ءَ چہ بہ گر اوگانستان ءُتوانائی ءِ پڑءَ کمک ، دونیمگی سیادی، اسلامو فوبیا ءِ سرءَ گپ بوتگ، عمران خان انشاء اللہ کدی ہم نہ جُھک ایت ء ُ نہ پاکستان ءَ را جُھکگ ءَ کیل ایت۔
