اسلام آباد۔25فروری (اے پی پی):سپریم کورٹ ءَ کٹء ُکمائی ءَ چہ مال ء ُ مڈی کیس ءَ پیپلز پارٹی رہنماءُ سندھ اسمبلی ءِ اسپیکر آغا سراج درانی ءِ ضمانت ءِ ھاترءَ جم کتگیں دزبندی ءِ گوشدارگ دو ہفتگانی ھاترءَ مھتل کتگ۔ جمعہ ء ِ روچءَ چیف جسٹس عمر عطا بندیال ءِ سروکی ءَ سئے باسکی بینچ ءَ کٹء ُکمائی ءَ چہ گیش مالء ُ مڈی کیس ءِ تہا پیپلز پارٹی ءِ رہنما ءُ سندھ اسمبلی ءِ اسپیکر آغا سراج درانی ءِ ضمانت ءِ ھاترءَ جم کتگیں دزبندی گوشداشتگ۔ گوش دارگءِ وہدءَ چیف جسٹس عمر عطا بندیالءَ ریمارکس داتگ کہ آغا سراج درانی کیس ءِ تہا نیب ءِ ہوالگءَ رھبند دیماآرگ بہ بنت، آغا سراج درانی ءَ را شاہ تبیں طرز ءِ آسراتی دیئگ ءِ ہوالگءَ ہم چم شانک دیاں، سراج درانی ءِ ڈگارانی کٹء ُکمائی ء ُ زمینانی ہوالگءَ نیب ءِ گپاں چہ سدک نیاں ، نیب سراج درانی ءِ مال ڈگارانی کٹء ُ کمائی ء ُ مِلکء ُ مراثانی یک رندے پدا چارءُتپاسی ءَ بہ کنت۔ ایشی ءِ سرءَ نیب پراسکیوٹر ءَ گشتگ کہ آمید گسءَ را ہرچ وڑءَ سدک کناں۔ سراج درانی آمید گس ءَ گشیت کہ آ 894 ایکڑ زمین ءِ واہُند اِنت، الیکشن کمیشن ءِ تہا سراج درانی ءَ 148 ایکڑ زمین گشتگ۔ اے موہ ءَِ جسٹس عائشہ ملک ءَ ریمارکس داتگ کہ آغا سراج د رانی ءَ نیب ءَ را سرجمیں ریکارڈ نہ داتگ۔ اِدءَ چیف جسٹس عمر عطا بندیال ءَ ریمارکس داتگ کہ اے دستاویزات تچک ءَ تچک سپریم کورٹ ءَ را دئیگ بوہگءَ اَنت ایشانی چارءُ تپاسی ءَ چوں بہ کن اَنت، سراج درانی یک پجی ءَ است نہ بوتگ، است مندیں لوگے ءَ چہ سیادی داروک بوتگ، دومی بھر اِش اِنت کہ سراج درانی ءَ 1986 ءَ چہ 2009 ءَ ایچ وڑیں زرکاری نہ کتگ، سراج درانی کروڑاں کلدار ءِ دستی گڑیالانی واہُند اِنت۔ کسے ءَ را گڑیال ءِ حُب اِنت ، کسے ءَ را سلاہ ءِ ء ُ کسے ءَ را گاڑی ءِ حُب اِنت۔ مئے وڑیں مردماناں تنا کتاباں گوں حُب اِنت۔ مزن شاہ آمید گس ءَ کٹء ُکمائی ءَ چہ مال ء ُ مڈی کیس ءَ پیپلز پارٹی رہنماءُ سندھ اسمبلی ءِ اسپیکر آغا سراج درانی ءِ ضمانت ءِ ھاترءَ جم کتگیں دزبندی ءِ گوشدارگ دو ہفتگانی ھاترءَ مھتل کتگ۔اے گپ زانگ بہ بیت کہ کراچی ءِ احتساب آمید گسءَ کٹء ُکمائی ءَ چہ گیش مالء ُ مڈی ءِ ریفرنس ءِ تہا سندھ اسمبلی ءِ اسپیکر آغا سراج درانی ءِ سرءَ فرد جرم جتگ بوتگ، نیب ءِ گشگءِ ردءَ سندھ اسمبلی ءِ اسپیکر آغا سراج درانی ءَ کٹء ُکمائی ءَ چہ گیش ڈیڑھ ارب کلدار ءِ مال ءُ مڈی جوڑ کتگ، آغا سراج درانی ءِ حاندان گران نیادیں مال ء ُ مڈیانی واہُند اَنت وہدے کہ آغا سراج درانی ءِ ملازم آنی نام ءَ ہم کروڑاں کلدار ءِ جائیداد ءُ دیئگ ء ُ زورگ بوتگ اَنت، آغا سراج درانی ءِ مالء ُ مڈیانی تہا گران نیادیں گاڑی ء ُ دستی گڑیال ہم ہوار اَنت۔
