اسلام آباد۔25فروری (اے پی پی): حال ءُ اھیوال کاری ء ُ شنگکاری ءِ بنجاہی وزیر چوہدری فواد حسین ءَ” روزنامہ نئی بات “ءِ گروپ ایڈیٹر عطاء الرحمن ءِ بیران بوہگ ءَ دلپدردی ءِ درشانی کتگ ءُگشتگ کہ عطا ء الرحمن دو داہکاں چہ راجی روہتاکانی تہا ”تجزیہ“ ءِ سرھال ءَ چہ و تی نبشتانکاں چہ نامدار بوتگ۔جمعہ ءِ روچءَ وتی اپسوزی بیان ءِ تہا آئی ءَ گشتگ کہ حُدا مُرزی ءَ “نئی بات” ءِ اڈیٹر ءِ ارزشت ءَ وتی صحافتی زمہ واری جوانی ءَ گوں پیلو کتگ اَنت۔ آئی ءَ دعا کتگ کہ اللہ تعالیٰ حُدا مرزی ءَ را جنت الفردوس ءَ مزنیں درجگ بہ دنت ءُ پُشپد ءَ را سگء ُاوپار بہ دنت۔
