لاہور۔25فروری (اے پی پی): بنجاھی وزیر توکی کار شیخ رشید احمد ءَ گوشت کہ وزارت ءِ تہی کار ءُ پنجاپ انتظامیہ ءَ پیپلز پارٹی ءَ را لانک مارچ کنگ ءِ اجازت دیگ ءِ پیسلہ کتگ، مزن وزیر ءِ روس ءِ تر ءُ تاب سک باز کامیات بوتگ، تحریک عدم اعتماد یک بے سرئیں گپ اِت۔ ممبر آنی قیمت ءَ بندوک بہ زان اَنت کہ عمران خان ترت ءِ چال ءَ چل ائیت۔ نواز شریف ءَ 172 مردم سرجم کنگ ءِ زمہ وری زارداری ءِ سر ءَ لڈ اِتگ۔ چھانگا مانگا ءِ رد ءُ بند کنوک اے بہ زان اَنت کہ سیاس ءَ بھا ءُ س یم ءِ بازار جنوک آنی سر ءَ جھاڑو جناں ، ووٹ ءَ را زت دیوکیں بھا ءُ سیم ءِ منصوبگ ءَ بندگ ءَ انت، درستاناں یک جاہ کتگ عدم اعتما د ءِ ناکامی ءَ چہ پد عمران خان گیش مھکم بیت، چوہدری شجاعت حسین منی برات اِنت، اے وھدءَ ارکس عمران خان ءَ ایوک یل کن آ کورچات ءَ کپ ایت۔ آ آدینگ ءِ روچ ءَ ادا سر وزیر گس ءَ پریس کانفرنس ءَ گوں گشتانک دیگ ءَ اَت۔ شیخ رشید احمد ءَ گوشت کہ پنجاپ ءِ سروزیر ءَ گوں میٹنگ بوتگ ایشی ءِ اندر ءَ پیپلز پارٹی ءِ لانگ مارچ ءِ سر ءَ بندش نہ جنگ ءِ پیسلہ کتگ ءُ ھمے رنگ ءَ سندھ ءَ تحریک انصاف ریلی کشگ ءَ انت آھودا ھم رینجرز ءِ سیکورٹی دیگ ءَ آں۔ آءی ءَ گوشت کہ آ اسلام آباد پولیس ءَ را توسیپ ءُ ستا پیش کنت آئی ءَ نور مقدم کیس ءَ ٹوھیں کوشست کتگ ءُ ملزم گڈی ءَ وتی آسر ءَ سر بوتگ۔ آئی ئَ گوشت کہ مزن وزیر عمران خان ءِ روس ءِ تر ءُ تاب سک باز کامیات بوتگ ایش دژمن ملک بھارت ءَ را اے تپ نہ کنت، مزن وزیر ءِ ایمنی ءَ گوں کوشست ءَ را ھمک نیمگ ءَ ساڑاھگ بوھگ ءَ انت۔
