اسلام آباد۔25فروری (اے پی پی): مزن وزیر عمران خان ءَ گوشت کہ نوکیں پاکستان راجی جان سلامتی کاٹ ملکی تاریخ ءِ درستاں چہ مستریں پروگرام اِنت، یونیورسل ہیلتھ کوریج ءِ نظام ءِ بازیں دیمروئی کنوکیں ملک آنی تہ ءَ ھم ساڑی اَنت۔ ہیلتھ کاٹ ءِ درستیں چہ مستریں سیت گریب ءُ بزگر آناں بوھگ ءَ اِنت۔ اے ھیالانی درشانی آئی ءَ آدینگ ءِ روچ ءَ جان سلامتی ءِ شوبگ ءِ ھوالگ ءَ ارزشتی ایں دیوان ءِ سروکی ءَ کنان ءَ کت۔ دیوان ءَ مزن وزیر ھاسیں کمکار ڈاکٹر فیصل سلطان، صوبائی وزیر ڈاکٹر یاسمین راشد ءُ تیمور سلیم جھگڑا ءَ بھر زوری کت۔ دیوان ءَ مزن وزیر ءَ را بنجاھ، پنجاپ ءُ خیبر پختونخوا ءَ بنیاتی جان سلامتی آسراتی ءِ پجاری، جا ن سلامتی کارڈ ءُ جاڑیگیں منصوبگ آنی سر ءَ دیروئی کا ر آنی بابت ءَ سرپد کت۔ مزن وزیر ءَ را پنت ءُ شون کنگ بوت کہ نوکیں پاکستان راجی جان سلامتی کارٹ پروگرام ءِ چیر دستی ءَ پنجاپ ءُ خیبر پختونخوا ءَ الس آنی مزنیں کساسے ءَ مپت ءَ آسراتی ءَ چہ سیت مند بوھگ ءَ انت۔ حکومت ملک ءِ پشمندگیں ضلع آنی تہءَ زھگ آناں سٹنٹڈ گروتھ ءِ گر ءُ دار ءِ واستہ پروگرام آنی بنگیج کنگ ءَ انت۔ ایشی ءَ ابید مات ءُ زھگ ءِ جان سلامتی ءِ گہتری ءِ واستہ ودی بوھگ ءَ چہ پد ویکسی نیشن ءِ سرجمی ءَ اں زھگ ءِ جان سلامتی ءِ سرجمیں مانیٹرنگ کنگ بہ بیت، ملک ءَ نرسنگ ءِ شوبگ ءَ کار رپک ءَ را ودینگ ءِ واستہ حکومت میاں اوستمانی کد ءُ بالادی ٹریننگ ءِ پجاری ءِ واستہ گامگیج کنگ ءَ انت۔ مزن وزیر ءَ بنیاتی جان سلامتی ءِ ھوالگ ءَ جاڑیگیں منصوبگ ءُ گامگیج آناں اول سرئی بنیات ءَ پکوئی ءَ را دل یکیمی ءِ پنت ءُ شون کت۔
