ماسکو۔24فروری (اے پی پی): وزیر ءِ درئی کار مخدوم شاہ محمو قریشی ءَ گوشتگ کہ پاکستان، روس ء گوما دو نیمگی یکوئی آناں ھاسیں ارزشت دنت اِنت۔ اے گپ آئی ءَ پنچ شمبے ءِ روچ ءَ ماسکو ءَ وتی روسی ھمکار سرگئی لاوروف ءِ گوما گند ءُ نند ءَ کت۔ گند ءُ نند ءِ ساھت ءَ دو نیمگی یکوئی، وت مہ وتی واھگی شوبگ آنی تہ ءَ کمک آناں ودینگ ءَ ھور ارزشتی ایں دمگی کار آنی سر ءَ ھیال ریچی کنگ بوت۔ روسی وزیر ءِ درئی کار ءَ ماسکو ءَ پجگ ءِ پد ءَ وزیر درئی کار مخدوم شاہ محمود قریشی ءِ شگر ءُ منت گپت۔ دوئیں وزیر ءِ درئی کار آں پاکستان ءُ روس ءِ نیام ءَ دو نیمگی یکوئی ءِ توامیں پھر آنی سر ءَ چار ءُ تپاسی گپت۔ شاہ محمود قریشی ءَ گوشت کہ پاکستان، مزن وزیر عمران خان ءِ وژن ءِ رد ءَ اقتصادی ترجی داتگیں کار ءُ دمگی رابطہ آنی دیمروئی ءِ ایجنڈا آنی رد ءَ اَنت۔ دوئیں وزیر درئی کار ءَ پاکستان ءُ روس ءِ نیام ءَ دو نیمگی یکوئی آناں گیش برجم جوڑ کنگ ءِ جزم ءِ درشان کت۔ روسی وزیر ءِ درئی کار ءَ اوگانستان ءِ ھولگ ءَ او آئی سی وزیر ءِ درئی کار کونسل ءِ لس دیوان ءِ کامیاتی ءِ پد ءَ وزیر ءِ درئی کار مخدوم شاہ محمود قریشی ءُ پاکستان ءِ سروک ءَ را مبارک بات دات ءُ 22/23 مارچ ءَ اسلام آباد ءَ بوھوکیں او آئی سی وزیر ءِ درئی کار کونسل ءِ چیل ءُ ھشتمی دیوان ءِ کامیاتی ءِ واستہ نیکیں واھشت آنی درشان کت۔ وزیر ءِ درئی کار ءِ جوانیں وش اتک ءُ جوانیں میزبانی ءِ پد ءَ روسی ھمکار ءِ شگر ءُ منت واری گپت۔ سیکرٹری درئی کار سہیل محمود ءُ وزارت ءِ درئی کار ءَ کلانہ ایں اپسرگ ھم اے گند ءُ نند ءَ ساڑی اتنت۔
