ماسکو ۔24فروری (اے پی پی):مزن وزیر عمران خان ءَ گوشت کہ پاکستان روس ءِ گوما دراج بریں یکوئی ءِ واستہ جزمیگ انت، پاکستان یک برجم ءُ ایمنیں اوگانستان ءِ واستہ میاں اوستمانی برات آنی گوما یکجائی ءَ کار ءَ را جاڑی دار اَنت۔ جموں ءُ کشمیر ءِ جیڈھ ءِ ایمنی ءَ گوں گیواری المی اِنت۔ روس ءُ یوکرائن ءِ نیمگ ءَ تاجگیں جاور ھال اپسوزی انت، پاکستان سفارتکاری ءَ چہ ایشانی گیواری ءِ امیت ءَ کنت، کشاں چیل ءِ گیواری ءِ گپ ءُ تران ءُ سفارتکاری ءَ گوں بہ بیت۔ مزن وزیر میڈیا کارگس ءِ نیمگ ءَ جاڑی بوتگیں پریس ریلیز ءِ رد ءَ روس ءِ تر ءُ تاب ءِ موہ ءَ پنچ شمبے ءِ روچ ءَ کریملن ءَ مزن وزیر عمران خان ءُ صدر ولادیمیر پیٹن ءِ نیام ءَ سروکی ءَ دیوان بوت۔ دوئیں سروک آں وتی مہ وتی یکوئی، دو نیمگی سیت آنی دمگی ءُ میاں اوستمانی کار آنی سر ءَ ھیال ریچی کت۔ دوئیں سروک آنی نیمگ ءَ استیں ماہ ءَ بوھوکیں ٹیلی فون ءِ سر ءَ تران آنی زکر ءَ کنان ءَ گوشت کہ مزن وزیر عمران خان ءَ دل یکیی ءِ درشان کتگ کہ آیوکیں باندات ءَ یکوئی آنی تہ ءَ پازیٹیو دیمروئی ءِ رچ جاڑی بیت۔ مزن وزیر ءَ گوشت کہ یکوئی آنی تہ ءَ دل یکیمی ءُ جوزگ آنی شوبگ ءَ ایش کمکار سہرا بیت۔ مزن وزیر ءَ گوشت کہ پاکستنا سٹریم گیس پائپ لائن منصوبگ ءِ ارزشت دوئیں ملک آنی نیام ءَ فلیگ شپ اقتصادی منصوبگ ایگ اِنت۔ دوئیں سروک آں ھاٹیگ ءِ شوبگ ءَ استیں منصوبگ آنی تہ ءَ کمک آنی سر ءَ ھیال ریچی کت۔ مزن وزیر ءَ روس ءِ گوما پاکستان ءِ دراج بریں یکوئی ءِ جزم ءِ درشان کت۔ دمگی رد ءَ مزن وزیر عمران خان ءَ اوگانستان ءَ بنی آدمی ڈکال ءَ را زوت گیواری کنگ ءُ معاشی تباھیگ ءِ گر ءُ دار ءِ ضلورت ءِ سر ءَ زور پر دات۔ آئی ءَ اے جزم ءِ درشان کت کہ پاکستان دگنیا ءِ گوما یکجائی ءَ یک برجمیں، ایمنی ءُ مھکمیں اوگانستان ءِ واستہ کار جاڑی دار ایت۔ اے رد ءَ آءی ءَ پاکستان ءُ روس ءِ نیام ءَ جتا جتائیں دمگی ءُ میاں اوستمانی کار آں ھوار شنگھائی کمک گل(ایس سی او) ءَ ھوار جاڑیگیں کمک ءُ رابطہ ءِ ضلورت ءِ سر ءَ زور پر دات۔ ساتھ ایشیا ءِ جاور ھال آنی ھوالگ ءَ مزن وزیر عمران خان ءَ بھارت ءِ گیر کانوید دست چیریں جموں کشمیر ءَ بنی آدمی ھک آنی جاور ھال آناںسہر اکنان ءَ گوشت کہ جموں کشمیر ءِ جیڈھ ءِ گیواری ءِ ضلورت انت۔ مزن وزیر ءَ دمگی ایمنی ءُ برجائی ءَ را پجوکیں تاوان ءِ ھوالگ ءَ گوشت کہ دمگی لوٹ آنی پیلوئی ءَ را برجا دارگ ءَ کمکی گامگیج چست کنگ بہ بیت۔ مزن وزیر ءَ روس ءُ یوکرائین ءِ تاجگیں جاور ھال آنی سر ءَ اپسوزی ءِ درشان ءَ کنان ءَ گوشت کہ پاکستان امیت دار ایت کہ اردی کشاں چیل ءَ را سفارتکاری ءَ گوں گیوار کنگ بہ بیت۔ آئی ءَ گوشت کہ کشاں چیل اچ کس ءِ سیت ءَ شر نہ اِنت ءُ کشاں چیل ءِ جاور ھال ءِ تہ ءَ مدام دیمروئی کنوکیں ملک معاشی مشکل آنی آماچ بنت۔ آئی ءَ گوشت کہ پاکستان لوٹ ایت کہ کشاں چیل ءِ گوما گپ ءُ تران ءُ سفارتکاری ءَ چہ گیواری دگنیا ءَ اسلامو فوبیا ءُ ناشرکاری ءِ گیش بوھوکی دلگوشی ءِ ھوالگ ءَ دیان ءَ مزن وزیر ءَ زور پر دات کہ نیک راھ آنی وت مہ وتی یکوئی ءِ ضلورت اِنت۔ صدر پیو ٹن ءِ حضرت محمد ﷺ ءَ گوں مسلمان آں گوں نزیکی ءِ کد ءُ بالاد ءُ شرپ ءَ را پھمگ ءُ ایشی ءِ شرپ ایر کنگ ءَ ر ا ساڑات ءُ مزن وزیر ءَ گوشت کہ چارگر د آنی توک ءَ ایمنی ءُ یکوئی ءِ واستہ نیک راھ آنی وت مہ وتی نزیکی ءُ توامیں نیک راھآنی شرپ المی انت۔ مزن وزیر ءِ ھمبراہ مزن تکی ڈل دو روچی روس ءِ تر ءُ تا ب ءَ اِنت۔ مزن وزیر ءِ ھمبراہ کابینہ ءِ باسک ءُ مزن تکی کارندہ ھم گون اَنت۔
