ماسکو۔24فروری (اے پی پی): مزن و زیر عمران خان ء ُ ر وسی صدر ولادی میرپیوٹن ءَپنچ شمبے ءِ روچءَ پنچ شمبے ءِ روچءَ یکے دومی ءَ گوں دو پہ دوئی ءَ گندءُنندکتگ، بیپاری ءُ توانائی ءِ پڑآں کمک ءَ ہوار دونیگمی سیادیک ، دمگی ء ُ میاں اوستمانی کارانی سرءَ ھیال ءُ لیکہءِ درشانی کنگ بوتگ۔ ایشی ءَ چہ پیسر روسی فیڈریشن ءِ ایگزیکٹو ہیڈکوارٹرز کریملن سربوہگ ءَ صدر پیوٹن ءَ مزن وزیر عمران خانءَ را وش اَتک کتگ۔ مزن وزیر عمران خان ءُ روسی صدرءَ دونیمگی سیادی ءِ درائیں تکء ُ پھنات، دونیمگی بیپاری، معیشت ء ُتوانائی حاس پاکستان سٹریم گیس پائپ لائن منصوبہ آنی تہا کمک ء ُ دمگی و میاں اوستمانی کارانی سرءَ گپ ء ُترا ن کتگ۔ 23 سالءَ پد کجام ہم پاکستانی مزن وزیر ءِ روسءِ اے اولی ترءُتاب اِنت ء ُ اے ترء ُتاب ءَ را دوئیں ملک آنی نیامءَ سیادی ءَ را نوک کنگءِ ھاترءَ یک راج دپتری گامگیجے لیکگ بوہگءَ اِنت۔
