اسلام آباد۔23فروری (اے پی پی): تجزیہ کار ءَ ہمایوں خان ءُ نوخیز ساہی ءَ گوشت کہ اوگانستان ءَ ایمنی ءُ برجائی ءُ بنی آدمی ڈکالی ءِ گر ءُ دار ءِ ھوالگ ءَ پاکستان ءَ بے دروریں کرد ءِ پیلو کتگ۔ یونائیٹڈ نشن ءُ دگنیا ءِ ایندگر ملک ھم اوگانستان ءِ جیڈھ ءِ سر ءَ پاکستان ءِ پازیٹیو کرد ءِ منوک اَںت۔ اوگانستان ءَ مھکمیں حکومت ءِ برجائی ءَ چہ پڑ ءَ ناشرکاری ءِ بیم کم بنت۔ چار شمبے ءِ روچ ءَ پی ٹی وی ءَ گوں تران کنان ءَ ہمایوں خان ءَ گوشت کہ مزن وزیر عمران خان ءِ تر ءُ تاب روس بے درور سہرا بیت، دوئیں ملک آنی مزن تکی سروک آنی نیام ءَ اوگانستان ءِ جاور ھال ءُ اسلامو فوبیا ءِ جیڈھ آنی سر ءَ گپ ءُ تران کنگ بیت۔ آئی ءَ گوشت کہ روبرکتی میڈیا مزن وزیر عمران خان ءِ روس ءِ تر ءُ تاب ءَ را ردئیں رنگ ءَ پیش کنگ ءَ انت بلے مزن وزیر عمران خان ءَ وتی پوزیشین سہرا کتگ ءُ آئی ءَ روس کوکراین جیڈھ آنی رد ءَ یک بن گپ ءِ وتی کتگ کہ ایش جنگ ءِ مٹ ءَ ایمنی ءُ سول ءُ تران ءِ وسیلگ ءَ جیڈھ آنی گیواری ءِ سر ءَ دل یکیمی دار ایت۔ آئی ءَ گوشت کہ گوستگیں پانزدھ بیست سال آنی ساھت ءَ روس ءُ پاکستان، روس چین ءُ پاکستان ءِ یکوئی آنی تہ ءَ شفٹ آنی بندات بوتگ، مزن وزیر ءِ روس ءِ تر ءُ تاب دوئیں ملک آںی نیام ءَ اقتصادی کمک آنی دیمروئی ءِ واستہ ھم ارزشتی بنت۔ ہمایوں خان ءَ گوشت کہ امریکہ ءُ روبرکتی ملک آنی نیمگ ءَ اوگانستان ادارُکی حکومت ءَ را نہ منگ ءِ گگ ءُ اوگانستان ءِ الس آنی نیم زر امبار نائن الیون ءِ آماچ آناں دیگ ءِ پیسلہ ءَ چہ جاور ھرابی ءِ نیمگ ءَ روگ ءَ انت۔ اے وھد ءَ المی انت کہ پاکستان ءُ روس پڑ ءِ دومی ملک آنی گوما یکجائی ءَ اوگانستان ءَ ایمنی ءُ برجائی ءِ واستہ کرد پیلو کنگ ءَ انت۔ یک جستے ءِ پسو ءَ آئی ءَ گوشت کہ پاکستان ءَ اوگانستان ءِ گوما تجارت ءِ برجائی ءِ واستہ ڈیوٹیز کم کنگ ءِ نیمگ ءَ جوانیں گامگیج کتگ اَنت۔ پاکستان ءِ گوما تجارت ءِ برجائی ءِ واستہ ڈیوٹیز کم کنگ ءَ ھوار جگوانیں گامگیج کتگ انت۔ پاکستان ءَ مدام ٹرانزٹ ٹریڈ ءُ راہداری ءِ گپ کتگ، اوگانستان ءَ مائنز اینڈ منرل ریسورسز ءُ کشت ءُ کشار ءِ شوبگ ءَ سرمایہ کاری ءِ دراج بریں موہ جاڑی انت۔ یک جستے ءِ پسو ءَ آئی ءَ گوشت کہ بھارت اوگانستان ءَ ناشرکاری چست ءُ ایرآنی تہ ءَ دست مانجن بوتگ، پاکستان ءَ اے ھوالگ ءَ یونائیٹڈ نیشن ءَ ڈوزیئر ھم پیش کتگ۔ نوکیر ساہی ءَ گوشت کہ روس ءِ اوگانستان ءَ کرد دگنیا ءِ دیم ءَ انت، ٹرائیکا پلس ءَ م روس ءَ جوانیں کرد پیلو کنگ ءَ انت ھمے واستہ روس ءَ ابید اوگانستان ءِ جیڈھ ءِ گیواری سک مشکل انت۔ آئی ءَ گوشت کہ اوگانستان ءَ 40 ملین مردم آنی جیڈھ اِنت، روبرکت ءُ امریکہ اوگانستان ءِ جیڈھ آناں دل یکیمی ءَ مہ زور ایت ھمے واستہ المی انت کہ پڑے ملک آناں یکجاہ بوھگ ءُ اوگانستان ءَ بنی آدمی ڈکالی ءِ ھلاسی ءُ بینکنگ سسٹم ءَ را برجا کنگ ءَ پازیٹیو کرد پیلو بکن اَنت۔ مزن وزیر عمران خان ءَ روس ءِ تر ءُ تاب ءِ ساھت ءَ دوئیں ملک آنی نیام ءَ تجارتی کساس ءَ را گیش ودینگ ءُ گیس پائپ لائن ءَ ھوار جتا جتائیں ارزشتی ایں منصوبگ آنی سر ءَ دست چنگل جنگ بیت۔ یک جستے ءِ پسو ءَ آئی ءَ گوشت کہ بھارت ءِ اوگان الس ءِ مشکل آں گوں اچ سیادی نیست، آ ایوک ءَ اوگانستان ءِ سر ڈگار ءَ لوٹ انت تانکہ آ ایشرا پاکستان ءِ ھلاپ ءَ کارمرز کت بکن آں ھمے رنگ ءَ کہ پیسر ءَ کتگ اِت۔
