ماسکو۔24فروری (اے پی پی): مزن وزیر عمران خان ءَ دونین جنگ ءِ ساھت ءَجان آنی قربانی پیش کنوکیں روسی فوجی آنی یاتگیریں جاہ ءَ پُل آنی چادر پر دات۔
پنچ شمبے ءِ روچچ ءَ یاگیریں جاہ ءَ آیگ ءِ پد ءَ دومی ٹوھیں جنگ ءَ جان آنی قربانی دیوکیں فوجی آنی شرپ ءَ ستا ءُ توسیپ پیش کنگ ءِ واستہ یک منٹ ءِ ھاموشی کنگ بوت۔ دومی ملک آنی راجی سوت آناں الہان کنگ بوتگ انت ءُ فوجی ٹروپ آں مارچ پاسٹ کنان ءَ مزن وزیر ءَ را سلامتی پیش کت۔ یاتگیر کریملن ءِ ڈن ءَ الیگزینڈر گارڈن ءَ جوڑ کنگ بوتگ۔
اے موہ ءِ سر ءَ بنجاھی وزیر اھوالکاری ءُ شنگ کاری چوہدری فواد حسین، بنجاھی وزیر منصوبگ بندی اسد عمر، بنجاھی وزیر برائے ھاٹیگ حماد اظہر، مزن وزیر ءِ مشیر برائے تجارت عبدالرزاق دائود ، مزن وزیر ءِ مشیر برائے راجی سلامتی معید یوسف ءُ پاکستان تحریک انصاف ءِ سروک عامر کیانی ھم ساڑی ات۔
