کوئٹہ۔ 24 فروری (اے پی پی) بنجائی وزیر مذہبی امور پیر نور الحق قادری پارینے کہ مودی نا انسانیت دشمن پالیسیک ڈیہہ ٹی بے چیٹی نا سوب مننگ ءُ، پن انا جمہوریت نادعویدار بھارتی ریاست مسلمان، سکھ ، مسیح و ایلو مذہب آتا منوک آتیاہندوستان نا ڈغار ءِ تنک کرسا اوفتا زند ءِ ژند کرینے، بنجائی حکومت اولیکو وار بین المذاہب ہم آہنگی نا باضابطہ پالیسی ٹہیفنگ والا ءِ ، عالم دین و مشائخ عظام مسیت، مدرسہ ، امام بارگاہ ، گرجاگر آتیٹی انسانیت نا شرف و ایلمی و اخوت نا کلہو ءِ لس کیر۔ داخیال آتا درشانی ءِ او پنچ شنبے نادے آ کوئٹہ ٹی احترام انسانیت و بین المذاہب ہم آہنگی کانفرنس آن تران کرسا کرے۔ کانفرنس آن صوبائی پارلیمانی سیکرٹری اقلیتی امور خلیل جارج ، مسکوہی نگران صوبائی وزیر خورشید روشن بروچہ، صوبائی زکواۃ کونسل نا ممبر قاری انوارالحق حقانی، علامہ ہاشم موسوی تون اوار ایلو عالم دینک و مذہبی شخصیت آک ہم تران کریر۔ بنجائی وزیر مذہبی امور پیر نور الحق قادری پارے کہ اینو کانفرنس اٹی غٹ ترانکارآتا ہیت آک سجفنگ نا قابل، قافل فکر و قابل عمل ءُ، ننا اسہ کلہو اسے اودادے انسانیت نا، ہنداخاطرآن داہیت المی ءِ کہ نن راج اٹ انسانیت نا رشتہ ءِ لس کرسا انسانیت تون تینائی نا درشانی ءِ کین۔ اوپارے کہ انفرادی واقعہ اسے دین اسلام تون گنڈنگپ انتئے کہ ہر مذہب اٹ پرتشدد مخلوق مریک، نن مہرومریبت ناانسانیت نا بنداو آ کلہو ءِ مون آ دروئی ءِ و نن امر زوراکی اٹ کس اسے نا مذہب ءِ بدل کننگ کینہ۔ پیر نورالحق قادری پارے کہ حکومت اولیکو وار قومی اقلیتی کمیشن اٹ ہندوبرادری آن تعلق تخوک آ بندغ ءِ اقلیت آتا حق انا کمیشن نا چیئرمین جوڑ کرینن وخت اس کہ اولیکو وار بین المذاہب ہم آہنگی پالیسی اس جوڑ کرینن زوت اودے گڈیکو دروشم اس ایتنہ۔
