خصوصی کمکار سینیٹر ڈاکٹر ثانیہ نشتر نا چار سدہ روڈ پشاور اٹی ’’احساس پناہ گاہ‘‘ نا بنا

پشاور۔24 فروری (اے پی پی) نیزگاری نا چٹفنگ و راجی رکھ انا بارواٹ وزیراعظم نا خصوصی کمکار سینیٹر ڈاکٹر ثانیہ نشتر پنچ شنبے نادے آ چارسدہ روڈ پشاور اٹی واقع احساس پناہ گاہ نا بناءِ کرے منیجنگ ڈائریکٹر بیت المال پاکستان ملک ظہیر عباس کھوکھر ہم اوڑتون اوار ئسک داوخت آ سینیٹر ثانیہ نشتر پناہ گاہ نا چندی بشخ آتا معائنہ ءِ کرے و ضرورت مند آتے فراوان کروک آ آسراتی، بست وبند و انفراسٹرکچر نا جاچ ءِ ہلک اوڈائریکٹر پناہ گاہ و ایلو اسٹاف ءِ پارت جاری کرے کہ وزیراعظم عمران خان نا ویژن نا رداٹ پناہ گاہ تیٹی عارضی رہینگوک حقدار آتے شرف ایتر و داجاگہ نا آب ءِ ہرحال اٹ برقرار تخنگے۔ داوخت آ میڈیا تون گپ وتران کرسا خصوصی کمکار سینیٹر ثانیہ نشتر پارے کہ مچ آ ملک اٹی احساس پروگرام نا رداٹ پناہ گاہ و لنگرخانہ جوڑ کننگانے لنگرخانہ غاتا پروگرام ءِ پین ودفنگ انگ ءِ ہراڑے پناہ گاہ یا لنگرخانہ اف ہموڑے کس اس لنگڑ خاچپ پروجیکٹ نا رداٹ ٹرک آن ہم اِرغ تننگ انگ ءِ اوپارے کہ خیبر پختونخوا نا پین پنچ ضلع غاتیٹی پین اِرغ بشخوک آ ٹرک آک کاریم نا بناءِ کیرہ دیہاڑی دار مزور آتیکن دا چرجوئی نا بناءِ کننگانے، پناہ گاہ تا آب ءِ پین گچین کننگ نا کوشست کننگ انگ ءِ ، ڈاکٹر ثانیہ نشتر مستی پارے کہ بیت المال و احساس پروگرام نا رداٹ خیبرپختونخوا ٹی داوخت آ ہشت پناہ گاہ  چلینگ انگ ءُ صوبائی حکومت نا چاروکی ٹی ہم پناہ گاہ جوڑ ءِ احساس نا ایلو پروگرامک ہر ضلع، خلق و قصبہ ٹی ساڑی ءُننا کوشست ءِ کہ زیات آن زیات شار تیٹی احساس کفالت نا بناءِ کننگے انتئے کہ مسافر آتا بننگ نا سوب آن شار تیٹی دانا گرج زیات مریک ۔