ملک اٹی لارج اسکیل مینو فیکچرنگ نا نمو تاریخی کہول آ سرمسنے، بنجائی وزیر صنعت و پیدوار خسروبختیار نا صنعتی پالیسی نا سرحال آ ورکشاپ آن تران

اسلام آباد۔ 24 فروری (اے پی پی) بنجائی وزیر صنعت و پیداوار خسروبختیار پارینے کہ ملک اٹی لارج اسکیل مینو فیکچرنگ نا نمو تاریخی کہول آ سرمسنے، داسال دا بشخ اٹی نمو نا کچ 12.2 درسد ئسک، تدوک آ حکومت آتا بے ربط پالیسی تا سوب آن ملکی صنعتی پیداوار  مشکل نا گواچی مسنے۔ داخیال آتا درشانی ءِ او پنچ شنبے نادے آ انڈسٹریل پالیسی آ اڈ ہلوک ورکشاپ اٹی تران کرسا کرے۔ ورکشاپ نا مسخت پوسکن آ صنعتی پالیسی آ وزارت آتا نیام اٹ سلابت ءِ مون آ دننگ ءِ، ورکشاپ اٹی وزیرخزانہ شوکت ترین و سلاہکار چاگڑدی بدلی امین اسلم ہم بشخ ہلک۔ دود چیئرمین زرکاری بورڈ و ڈپٹی چیئرمین پلاننگ کمیشن ئسک ہم تران کریر۔ بنجائی وزیر پارے کہ نن ملکی زرگزران اٹ ڈی ایف ڈی (ڈومیسٹک فائنل ڈیمانڈ) نا کڑد انا ستاءِ کینہ، ملک اٹی ایل ایس ایم گروتھ دا سال 12.2 نا تاریخی کہول آ سرمسنے۔ خسروبختیار پارے کہ چنکا و نیامی کاروبار نا مو ن آ دننگ کن نیشنل ایس ایم ای پالیسی اس درستی راستی کرفے، آٹو پالیسی نا سوب آن آٹوپارٹ آتا لوکل پیدوار 45 درسد اسکان سرمسنے، تدوک  آ حکومت آتا بے ربط پالیسی تا سوب آن ملکی صنعتی پیدوار مشکل نا گواچی ئسک۔ اوپارے کہ پاکستان نا جی ڈی پی ٹی صنعتی پیدوار نا بشخ بیرہ 14 درسد ءِ، ودوک آ آبادی نا لحاظ اٹ صنعتی پیدوار نا شرح نمو 25 درسد بایدے مرے، صنعتی شونداری آن ورناتے روزگار نا وارخواہی فراوان کننگ مریک۔ خسروبختیار پارے کہ پالیسی ٹی درآمدی گڑاتا گیگ بدل پروڈکشن و برآمداتی صنعت آتا مون آ دننگ اہم ءُ عنصر اس مریک، ای صنعتی پالیسی نا ٹہیفنگ کن انٹرنیشنل ڈویلپمنٹ پارٹنرز نا منت وار اُٹ و اومیت کیوہ ورک شاپ نا ایسر آ نن پوسکن آ صنعتی پالیسی کن 10-20سیکٹرآتا گچینی ءِ کینہ۔