عمران خان نا احساس پروگرام کم کٹیا والا بندغ آتا چناتا یونیورسٹی تیٹی بڑزکو تعلیم نا تغ انا  پوروی ءِ ممکن کننگ ءِ، وزیر مملکت حوالکاری و شینکاری فرخ حبیب

اسلام آباد۔ 24 فروری (اے پی پی) وزیر مملکت حوالکاری وشینکاری فرخ حبیب پارینے کہ احساس انڈر گریجویٹ اسکالر شپ پروگرام نا رداٹ مچ آ ملک انا پبلک یونیورسٹی تیان 92 ہزار طالب علم آتے میرٹ آ اسکالر شپ تننگانے، اینخو سال اکن مچ آ ملک بشمول آزاد و جموں و کشمیر، گلگت بلتستان آن احساس اسکالرشپ اکن اسہ لکھ 22 ہزار 744 درخواست دوئی مسنے۔ پنچ شنبے نادے آ تینا ٹویٹ اٹی وزیر مملکت فرخ حبیب پارے کہ وزیراعظم عمران خان نا احساس پروگرام کم کٹیا والا بندغ آتا چناتا یونیورسٹی تیٹی بڑزکو تعلیم نا تغ انا پوروی ءِ ممکن کننگ ءِ۔ اوپارے کہ جون 2022 اسکان سکروٹنی نا عمل پورو مننگ آن پد 4 یا پنچ سالہ گریجویشن پروگرام نا طالب علم آتے اسکالر شپ تننگک۔